Steven Gerrard neitað um félagsaðild i Hillside golfklúbbnum í Southport, Merseyside

Fyrrum fyrirliða enska landsliðsins í fótbolta, og Liverpool-leikmanninum Steven Gerrard hefir verið neitað um félagsaðild í Hillside golfklúbbnum í Southport, Merseyside.

Einn hringur í golfklúbbnum kostar um 150 pund eða u.þ.b.(28.000 íslenskar krónur á núverandi gengi).

Golfklúbburinn er mjög virtur og vandur að virðingu sinni.

Hillside lógó-ið

Nýir félagar eru aðeins teknir inn fái þeir meðmæli tveggja sem þegar eru félagar í klúbbnum og Gerrard fékk meðmæli sem ekki voru af verri endanum; þ.e. meðmæli sjónvarpsmannsins og Liverpoolarans Alan Hansen og fyrrum leikmanni og stjóra Liverpool, goðsögninni Kenny Dalglish, sem aldrei hafði mælt með neinum inn í klúbbnum og er sagður ævareiður.

Kenny Dalglish er ævareiður að Gerrard skuli ekki hafa verið veitt innganga í Hillside golfklúbbinn.

En allt kom fyrir ekki – þrátt fyrir fín meðmæli vildi klúbburinn ekki Steven Gerrard!

Sögðust þeir hafa skömm á Gerrard og voru hræddir um orðspor sitt.

Neitun þeirra byggðist á myndskeiði af götuóeirðum frá því í ágúst 2013; tveimur mánuðum eftir að Gerrard sótti um að komast inn í klúbbinn, en Gerrard tók víst þátt í þeim, en hafði verið sýknaður fyrir dómi af því að hafa brotið af sér.

Heimildarmaður sagði s.s. fram kom í The Sun: „Þeir höfðu áhyggjur af að hann (Gerrard) myndi skaða gott orðspor þeirra.“ Þeir augljóslega horfðu á myndskeiðið og ákváðu að hann fengi ekki aðild.

MailOnline talaði við forsvarsmenn klúbbsins, en þeir sögðust ekki ætla að tjá sig um synjunina af tilliti til þeirra sem sæktu um aðild hjá þeim.

Sjónvarpsmyndskeið birtist í nóvember þar sem Gerrard sést slá til eins aðilia í götuóeirðunum en Gerrard sagði að hann hefði aðeins verið að reyna að stilla til friðar.

Gerard hafði þegar verið sýknaður af kærum þegar hann og vinir hans lentu í slag við hóteleigandann Paul Lloyd, sem var með hótel sitt á Formby svæðinu, nálægt Liverpool.  Í myndskeiðinu sést að Gerrard ýtir Lloyd að vegg og tekur hann kyrkingartaki og er að slá til hans, þar til hann fer af svæðinu. Ekkert var aðhafst í málinu en Merseyside lögreglan lagði málsgögn fyrir ákæruvaldið. Lloyd varð að yfirgefa Formby og fyrir rétti kallaði dómari einn hann lygara.

Helen Jones

Fréttir af myndskeiðinu komu fram þegar lögreglukona ein, Helen Jones var ákærð fyrir að hafa ætlað að kúga fé út úr Gerrard fyrir að sýna ekki myndskeiðið. Hún hlaut 22 mánaða fangelsi fyrir það brot sitt, sem var meiriháttar skandall fyrir Gerrard.  Paul Lloyd kom þá fram og sagðist hafa verið hræddur að kæra Gerrard vegna hefndaraðgerða manna í Liverpool, en í þeirra augum er Gerrard goðsögn og allt gert til að halda hlífiskildi yfir honum.  Hann (Lloyd) fékk seint um síðir DVD-ið undir hendurnar þar sem sést að fyrrum fyrirliði enska landsliðsins (Gerrard) og 11 aðrir eru að ráðast á hann.

Gerrard hafði áður verið ákærður fyrir líkamsárás eftir að hafa slegið plötusnúðinn Marcus McGee í Southport þegar sá neitaði að gefa eftir stjórn á CD spilara árið 2008. Leggja varð McGeee inn á spítala með sár í andliti og voru Gerrard og 6 aðrir handteknir og hann (Gerrard) var einn af 3 sem voru ákærðir og haldið í 24 tíma.

Hvað sem öðru leið neitaði Gerrard sakargiftum og var sýknaður af kviðdómi árið 2009.