Spieth skrifar undir samning við Coca-Cola

Jordan Spieth varð nr. 1 á heimslistanum árið 2015 eftir að hafa unnið 5 mót á PGA mótaröðinni og þ.á.m. 2 risamót þ.e. Masters og Opna bandaríska.

Hann hefir nú skrifað undir styrktarsamning til fjölda ára við Coca-Cola.

Hinn 22 ára Spieth mun því koma fram í sjónvarpsauglýsingum á félagsmiðlunum og í öðrum auglýsingum fyrir drykkinn vinsæla.

„Coca-Cola hefir alltaf tengst stórmótum og sumum af bestu íþróttamönnum heims þannig að þetta er ótrúlega svalt tækifæri fyrir mig,“ sagði í fréttatilkynningu frá Spieth. „Sem fulltrúi vörumerkisins hlakka ég til að afla golfíþróttinni aukins fylgis og fá áhangendur til liðs á nýja vegu.“

Spieth er líka nýbúinn að vinna fyrsta mót ársins 2016 á PGA mótaröðinni þ.e. Hyundai Tournament of Champions á Kapalua, Hawaii. Þessi sigur var 7. sigur Spieth á PGA Tour og hann ásamt Tiger eru einu kylfingarnir sem hafa sigrað svo oft á PGA Tour við 22 ára aldurinn.

Í september vann Spieth Tour Championship, sem var 5. titill hans árið 2015, og eins FedEx Cup, en honum fylgdi feitur $10 milljóna bónus.

„Það er ekki nokkur vafi að Jordan er hæfileikaríkastur af sinni kynslóð jafnvel þó atvinnumannsferill hans sé rétt að hefjast,“ sagði Stuart Kronauge, varaforseti vörumerkja markaðssetningar Coca-Cola í Norður-Ameríku. „Sem fyrirtæki dáumst við mest að Jordan á hvern hátt hann hefir tekist á hendur að vera fyrirmynd. Athafnir hans, gildi og karakter bæði á og utan vallar gera hann að kjörnum fulltrúa Coca-Cola.“

Nú er Spieth með 2 af 100 ríkustu fyrirtækjum heims sem styrktaraðia þ.e. Coca-Cola og AT&T.  Síðan skrifaði hann undir 10 ára samning við Under Armour, og eins auglýsingasamninga við Titleist, Rolex og NetJets. Eins auglýsir Spieth SuperStroke grip.

Golf Digest hefir metið að tekjur Spieth 2015 séu $53 milljónir á og utan vallar og steypir hann því Tiger úr 1. sætinu í 1. skipti í 13 ár eða frá því að farið var að halda slíkri tölfræði til haga.