Nýju stúlkurnar á LPGA 2016: Chie Arimura (7/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Verða þær allar kynntar og byrjað á þeim 7 sem voru svo heppnar að hljóta einhvern þátttökurétt á þessari sterkustu kvengolfmótaröð í heiminum þ.e. þeim Paz Echeverria frá Chile; Hönnuh Collier frá Bandaríkjunum; Jean Reynolds frá Bandaríkjunum; Ginger Howard frá Bandaríkjunum; Jaclyn Jansen frá Bandaríkjunum; Céline Herbin frá Frakklandi og Chie Arimura frá Japan.

Þessar heppu 7 stúlkur urðu T-43 í lokaúrtökumótinu og voru neðstar af þeim sem hlutu þátttökurétt á LPGA; en væntanlega hamingjusamar með að hljóta spilarétt. Þær rétt sluppu inn.

Hér verður Chie Arimura kynnt en búið er að kynna allar hinar 6.

Chie Arimura fæddist 22. nóvember 1987 og því 28 ára. Hún er nr. 282 á Rolex-heimslista kvenna og hefir verið í frjálsu falli undanfarin ár en fyrir aðeins 2 árum síðan var hún í 20. sætinu. Heima í Japan hefir hún sigrað 13 sinnum á japönsku LPGA. Og í Japan á Chie heima í Kuamamoto. Chie gerðist atvinnumaður 2006 og hefir spilað á nokkrum mótum LPGA, en besti árangur hennar hingað til er T-5 árangur í Mizuno Classic árið 2007.

Árið 2009 var langbesta ár Chie á japanska LPGA. Hún sigraði í fyrsta móti sínu 2008 en 2009 vann hún í 5 mótum og varð í 3. sæti á peningalista japanska LPGA. Á 3 árum sínum þar áður hafði hann aldrei náð að verða meðal efstu 10 á peningalistanum í lok keppnistímabils.

Á árinu 2009 var Chie líka með besta meðaltalsskor allra kvenkylfinganna á japanska LPGA (70.7463).

Í meðfylgjandi myndskeiði má sjá sveiflu Arimunra SMELLIÐ HÉR: