Fimm sem töpuðu stórt e. að hafa verið í forystu f. lokahring 2015

Það að sigra ekki í móti eftir að hafa verið í forystu fyrir lokahringinn í 3-4 daga móti er ekkert nýtt eða óþekkt í golfi.

Það voru þó fimm kylfingar/lið kylfinga, sem töpuðu sérlega stórum mótum eða klaufalega eftir að hafa haft afgerandi forystu fyrir lokahringi á árinu 2015.

Hér verða þessi atvik rifjuð upp:

1 Par sem Dustin Johnson (oft nefndur DJ) fékk á lokaholu Opna bandaríska þar sem hann ÞRÍPÚTTAÐI varð til þess að hann varð af sigri á fyrsta risamóti sínu.

Martin Kaymer

2  Martin Kaymer var með 6 högga forystu fyrir lokahring Abu Dhabi HSBC Golf Championship og fáum grunaði annað en að auðveldur sigur væri í nánd fyrir þennan snjalla þýska kylfing.  Annað kom þó á daginn.  Hann fékk síðan 3 fugla á fyrstu 4 holur lokahringsins, en síðan seig á ógæfuhliðina og Gary Stal stóð uppi sem sigurvegari – stal sigrinum svo að segja! En Kaymer vann ekki einn einasta sigur á árinu. Annus horibilis fyrir aumingja Kaymer.

Ian Poulter

3 Ian Poulter hefir ekki sigrað á móti síðan á árinu 2012 og þá á WGC-HSBC Champions. Hann missti af glæstu tækifæri að bæta þar úr á Honda Classic mótinu, en hann var með 3 högga forystu fyrir lokahringinn, sem hann glutraði klaufalega niður.   Allt gekk á afturfótunum hjá Poulter lokahringinn, sem hann lék á 74 höggum og tapaði í heildina með 1 höggi fyrir Pádraig Harrington.

Charl Schwarzel

4 Charl Schwartzel var álitinn sigurstranglegastur á heimavelli á South Afrícan Open og var líka með 5 högga forystu fyrir lokahringinn, sem honum tókst að sólunda á ævintýralegan hátt.  Forystan var enn 4 högga þegar hann fór á teig á 14. braut og fékk smá taugaveiklis skolla að því er virtist en þegar kom á 16. fékk hann skramba vegna þrípútts og missti enn högg á næstu holu meðan Andi Sullivan jafnaði við Schwartzel á lokasprettinum og knúði fram bráðabana, sem hann vann síðan með glæsi- fugli, eftir ótrúlega björgun þegar bolti hans fór í tré!  Svona getur golfið verið grimmt stundum!

Lið Bandaríkjanna í Solheim Cup 2015

5 Solheim Cup 2015  Þvílíkt drama!!! Og þvílíkt tap fyrir lið Evrópu eftir að hafa verið í forystu 10-6 fyrir lokatvímenningsleikina.  Margir kenna tapið reglufestu eins reyndasta kylfings í liði Evrópu, þ.e. norsku frænku okkar Suzann Pettersen – sem eiginlega krækti í 10. stigið vegna þess að hún klagaði yfir nýliða í bandaríska liðinu; sem hleypti illu blóði í allt heila liðið sem mætti tvíelft til leiks í tvímenningsleikjum sunnudagsins og vann sögulegan sigur í Evrópu!  Lið Bandaríkjanna stóð að loknum tvímenningsleikjunum uppi sem sigurvegari með 14 1/2 stig g. 13 1/2.