Nýju stúlkurnar á LPGA 2016: Hannah Collier (2/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu  í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Verða þær allar kynntar og byrjað á þeim 7 sem voru svo heppnar að hljóta einhvern þátttökurétt á þessari sterkustu kvengolfmótaröð í heiminum þ.e. þeim Paz Echeverria frá Chile; Hönnuh Collier frá Bandaríkjunum; Jean Reynolds frá Bandaríkjunum; Ginger Howard frá Bandaríkjunum; Jaclyn Jansen frá Bandaríkjunum; Céline Herbin frá Frakklandi og Chie Arimura frá Japan.

Þessar heppu 7 stúlkur urðu T-43 í lokaúrtökumótinu og voru neðstar af þeim sem hlutu þátttökurétt á LPGA; en væntanlega hamingjusamar með að hljóta spilarétt. Þær rétt sluppu inn.

Hér verður Hannah Collier frá Bandaríkjunum kynnt en áður hefir Paz Echeverria frá Chile verið kynnt.

Hannah Collier fæddist 15. október 1991 og er því 24 ára.

Hannah spilaði golf í Spains Park High School á menntaskólaárum sínum 2006-2010 og var síðan í bandaríska háskólagolfinu og spilaði með liði University of Alabama, þ.e. the Crimson Tides.

Hér má sjá langan afrekalista Hönnuh á bandarísku unglingamótaröðinni og í bandaríska háskólagolfinu SMELLIÐ HÉR: 

Þó framangreindur listi sé býnsa ítarlegur þá er vert að geta að Collier sigraði 2009 í Alabama 6A state championship og  var  hluti af national championship team (2012) og SEC championship team (2013) á háskólaárum sínum í  Alabama háskóla.

Collier útskrifaðist úr Alabama háskóla á síðasta ári 2014 með gráðu í samskiptum (ens: communucations)

Það sem er áhugavert varðandi Collier er að hún spilar körfubolta og t.d. frisbee örvhent en gerir allt annað m.a. spilar golf rétthent.

Eftir útskrift úr Alabama háskóla komst Collier strax inn á Symetra Tour og spilaði í 18 mótum á Symetra í ár. Besti árangur hennar þar var 15. sætið á  Fuccillo Kia Championship at Capital Hills.

En nú er Collier komin með takmarkaðan þátttökurétt á LPGA þ.e. með stórutánna inn á mótaröð þeirra bestu!!!