Hver er kylfingurinn: Thorbjörn Olesen?

Sá sem sigraði á Alfred Dunhill mótinu var danski kylfingurinn Jacob Thorbjörn Olesen. Þetta var 3. sigur hans á Evrópumótaröðinni en hann vann fyrsta sigur sinn á Evrópumótaröðinni fyrir 3 árum.  Það var Opna sikileyska (ens. Sicilian Open)

Hver er þessi huggulegi, ungi Dani, sem margir eru farnir að tala um sem hinn nýja „Martin Kaymer“ Danmerkur?

Thorbjörn Olesen.

Thorbjörn Olesen er fæddur í Furesø, Danmörku 21. desember 1989 og er því 25 ára. Hann gerðist atvinnumaður fyrir 7 árum, 2008, aðeins 18 ára. Hann varð í 4. sæti strax á 1. keppnistímabili sínu á Nordea mótaröðinni, 2009, þar sem hann vann 3 mót og fékk þar með kortið sitt á Áskorendamótaröð Evrópu 2010. Það sumar, í júlí 2010, vann hann fyrsta mót sitt á Áskorendamótaröðinni, The Princess, sem haldið var í Svíþjóð. Hann varð nr. 3 á stigalista Áskorendamótaraðarinnar og hlaut þar með kortið sitt á Evrópumótaröðinni, 2011.

Í desember 2010 varð Olesen í 2. sæti á Alfred Dunhill Championship, fyrsta mótinu á 2011 keppnistímbili Evróputúrsins. Í júní 2011 varð Olesen T-2 á BMW Italian Open í Tórínó, mestmegnis vegna glæsihringjar upp á 62 högg á lokahringnum, en Robert Rock átti samt 1 högg á hann og vann mótið. Næsta mánuð á eftir varð Olesen enn í 2. sæti á Alstom Open de France þegar hann fékk skolla á lokaholuna og varð aftur 1 höggi á eftir þeim sem vann, sem í það skiptið var Thomas Levet. Með þessum góða árangri ávann Olesen sér þátttökurétt á Opna breska 2011, en þar náði hann ekki að komast í gegnum niðurskurð.

Þegar Olesen vann fyrsta sigur sinn á Evrópumótaröðinni sagði hann við það tækifæri aðspurður um hvernig tilfinningin væri:

„Hún er frábær, ég var þrívegis í 2. sæti í 2011, þannig að það ná fyrsta sigrinum er æðislegt.“

Eftir lokamót 2012 keppnistímabilsins DP World Tour Championship, Dubai þar sem Olesen varT21, þá náði Olesen í fyrsta sinn að komast á topp-50 á heimslistanum og spilaði í Masters í fyrsta sinn 2013.

Thorbjörn Olesen á Masters

Í Masters 2013 vakti Olesen athygli á sér því eftir skelfilegan opnunarhring upp á 78 högg sýndi hann karakter og kom til baka með hringjum uppá 70 68 68 og var á 4 undir pari, 284 höggum samtals, sem varð til þess að hann varð T-6.

Þrír lokahringir hans upp á samatas 206 högg, samtals 10 undir pari, voru þeir bestu á risamótinu.  Hann vann sér inn nógu mikið vinningsfé til þess að hljóta sérstakan tímabundinn keppnisrétt á PGA Tour, sem hann þáði. Þetta leiddi m.a. til þess að hann fékk ótakmarkaðan aðgang að undanþágum styrktaraðila, það sem eftir var 2013 keppnistímabilsins.

Þann 28. október 2014 sigraði Olesen á ISPS Handa Perth Internationali – átti 3 högg á Victor Dubuison – þetta var 2. sigurinn.

Svo í gær, 4. október 2015 kom 3. sigurinn á Evrópumótaröðinni á Alfred Dunhill Championship.

Til þess að sjá myndskeið með gullfallegri golfsveiflu Olesens smellið HÉR:

Sjá má viðtal við Olesen (á dönsku) – tekið rétt áður en hann komst á Evrópumótaröðina, með því að smella HÉR: