44 fyndnustu augnablik í golfinu (1/44)

E.B. White skrifaði eitt sinn: „Að skilgreina húmor er eins og að kryfja frosk. Fáir hafa áhuga á því og froskurinn deyr.”

Þannig að finna 44 fyndnustu golfmómentin getur auðvitað ekki verið annað en nálgun byggð á húmor einhvers, sem öðrum finnst e.t.v. lélegur – málið er bara að ef nógu mörg atriði eru týnd til þá hlýtur að mega finna 1 eða 2 atriði sem e.t.v. má brosa að …. og þá er tilganginum náð.
Hér hafa fréttamenn Golf Digest varið miklum tíma og hláturköstum í að rifja upp fyndin móment í golfinu. Verði ykkur að góðu og vonandi finnið þið eitthvað sem ykkur þykir fyndið næsta 1 1/2 mánuðinn, sem Golf 1 birtir þessi fyndnu augnablik golfsögunnar:
Nr. 44
Mánuði eftir að Tiger vann Opna bandaríska 2008 í Torrey Pines og hann var fótbrotinn, þá var hann skiljanlega ekki viðstaddur til að taka við ESPY viðurkenningunni fyrir að vera besti karlíþróttamaðurinn.
En engar áhyggjur: Will Ferrell kom bara á sviðið í staðinn sem afar „óhógvær” Tiger: „Augljóslega er ég besti núlifandi kylfingurinn.” Síðan þakkar hann styrktaraðilum sínum: „Little Debbie Snack Cakes, Tab – já þeir búa það enn til, en bara fyrir mig – Ticonderoga blýantar nr. 2 og 3 en ekki 4; þeir eru fáranlegir.” Dauðaþögn hjá undrandi þátttarstjórnandanum Justin Timberlake en Ferrell heldur áfram í 3 mínútur. Tiger hefði ekki getað haldið betri þakkarræðu og sagt er að honum hafi sjálfum þótt Ferrell fyndinn, þar sem hann sat heima og horfði á athöfnina í sjónvarpinu!