Skrítið en satt (8/8)

Golfvöllurinn er rólegur staður þar sem hægt er að flýja raunveruleikann, en stundum er það sem gerist þar skrítnara en raunveruleikinn. Nick Price drævaði eitt sinn golfbolta og hann festist í óæðri enda svíns. Golf Digest bað þá sem „followa” blaðið á félagsmiðlunum (Twitter og Facebook) að deila skrítnustu sögum sínum af golfvellinum. Þar á meðal eru nokkur atriði sem virkilega koma á óvart; t.a.m. óheppni kylfingurinn sem leitaði skjóls fyrir stormi innan í færanlegu klósettu, en síðan feykti vindurinn færanlega klósettið út í móa. Við hér á Golf 1 ætlum að spara ykkur skítugu smáatriðin en hér fara nokkrar sögur sem okkur fundust skemmtilegar

LINGAN G. & C.C., SYDNEY, NOVA SCOTIA
„Nokkrir vinnufélagar mínir sem líka voru vallarstarfsmenn voru í viðhaldsskúrnum. Svo er sprenging. Ég missi meðvitund. Ég vakna upp við að það er brotið glas allsstaðar og einhver er að kalla nafnið mitt. Hjólbarði frá trukk sem var að keyra framhjá hafði losnað og rúllað 250 yarda áður en hann kom þjótandi inn um gluggann á vinnuskúrnum. Hann hæfði einn strákinn í bringuna, endurkastaðist og fór í mig.
Vinnufélagi minn var lengri tíma á spítala en ég, en hann náði sér líka. Eigandi trukksins var lögreglumaður sem átti frí og hann sagði að álitið væri að einn glæpahundurinn sem þeir væru að eltast við hefði losað skrúfboltana sem átti að halda hjólinu í skorðum.“

Dave Burns, Sydney, Nova Scotia