Skrítið en satt (7/8)

Golfvöllurinn er rólegur staður þar sem hægt er að flýja raunveruleikann, en stundum er það sem gerist þar skrítnara en raunveruleikinn. Nick Price drævaði eitt sinn golfbolta og hann festist í óæðri enda svíns. Golf Digest bað þá sem „followa” blaðið á félagsmiðlunum (Twitter og Facebook) að deila skrítnustu sögum sínum af golfvellinum. Þar á meðal eru nokkur atriði sem virkilega koma á óvart; t.a.m. óheppni kylfingurinn sem leitaði skjóls fyrir stormi innan í færanlegu klósettu, en síðan feykti vindurinn færanlega klósettið út í móa. Við hér á Golf 1 ætlum að spara ykkur skítugu smáatriðin en hér fara nokkrar sögur sem okkur fundust skemmtilegar

BOULDER CREEK G.C., STREETSBORO, OHIO

„The Ohio State Highway Patrol elti bíl frá nærliggjandi gatnamótum og inn á golfvöllinn okkar. Bílstjórinn var að skjóta á löggurnar og þær svöruðu. Hann komst undan og faldi sig í klóakinu. Nokkrum dögum síðar fannst lík hans í tjörninni við 8. holu. Starfsmaðurinn sem fann hann hélt fyrst að þetta væri dauð musk-rotta (ens. muskrat – svört rotta sem lifir einungis í Norður-Ameríku) og henti golfbolta í líkið til þess að sjá hvort það hreyfði sig. Annar eltingaleikur endaði á sama stað þannig að við verðum víst að fara að kalla tjörnina „Dauðra-manna-tjörn” (ens. Dead Man’s Pond) héðan í frá.”

Joe Salemi, Northfield, Ohio