Hlynur og Ragnhildur leika á Duke of York

Tveir íslenskir keppendur hefja leik í dag á Duke of York golfmótinu sem fram fer að þessu sinni á tveimur völlum á Prince’s Golf Club, Sandwich í Kent. Íslandmeistararnir í flokki 17-18 ára eru fulltrúar Íslands í þessari keppni en það eru þau Hlynur Bergsson úr GKG og Ragnhildur Kristinsdóttir úr GR.

Frábæru, frábæru!!!

Leikið er á tveimur völlum, Shore og Dunes, en úrtökumót fyrir Opna breska meistaramótið fara fram árlega á þessum völlum. Vellirnir eru ekki langt frá hinum sögufræga Royal St George’s velli þar sem Opna breska hefur farið 13. sinnum fram og síðast árið 2011 þar sem Norður-Írinn Darren Clarke sigraði.
Mótið hefst í dag þar sem landsmeistarar frá 27 löndum víðsvegar um veröldina taka þátt – en alls eru 56 keppendur.

Íslenskir kylfingar hafa verið sigursælir á þessu móti á undanförnum árum en Guðmundur Ágúst Kristjánsson (GR) (2010), Ragnar Már Garðarsson (GKG) (2012) og Gísli Sveinbergsson (GK) (2014) hafa allir fagnað sigri á þessu móti. Rory McIlroy frá Norður-Írland, sem er í efsta sæti á heimslista atvinnukylfinga, varð annar á þessu móti árið 2004.

Leiknar verða 54 holur og er einn keppnisflokkur fyrir alla, konur og karla. Keppni lýkur á fimmtudaginn og er hægt að fylgjast með skori keppenda með því að SMELLA HÉR: