Suzann Pettersen efst í hálfleik á Opna breska – Wie dró sig úr mótinu

Það er norska frænka okkar Suzann Pettersen sem er efst í hálfleik á Opna breska kvenrisamótinu, sem fram fer í Turnberry í Skotlandi.

Pettersen er búin að spila 7 undir pari, 137 höggum (68 69).

Suzanne Pettersen frá Noregi er efst í hálfeik Opna breska kvenrisamótsins

Í 2. sæti eru jafnar þær Teresa Lu frá Tapei, Jin Young Ko og So Yeon Ryu frá S-Kóreu og Lydia Ko frá Nýja-Sjálandi, en þær hafa allar spilað á 5 undir pari 139 höggum.

Skorið var niður við skor upp á samtals 5 yfir pari – þær sem voru á samtals 6 yfir pari komust ekki í gegnum niðurskurð.

Þeirra á meðal voru Morgan Pressel, Paula Creamer, Natalie Gulbis, frægðarhallar golfdrottningin Laura Davies, Jessica Korda, Juli Inkster , fyrrum nr. 1 á Rolex-heimslistanum Ai Miyazato, Beatriz Recari og Solheim Cup kylfingarnir Carlota Ciganda og  Karine Icher.

Michelle Wie

Michelle Wie dró sig úr mótinu á 2. hring eftir að hafa verið á 4 yfir pari, 76 höggum á 1. hring.  Hún datt þegar hún gekk niður af 13.  teig og ákvað að draga sig úr mótinu.  Um fall sitt sagði Michelle:

„Ég var bara að ganga með hendur í vösum og datt algerlega og fóturinn fór fram á við.  Hann er svolítið bólginn í augnablikinu.“

„Það kom að þeim punkti að ég gat ekki sett neinn þunga á vinstri fót minn. Ég verð bara að fara heim og fara yfir stöðuna og sjá hvað ég þarf að gera.“

Hún var komin á samtals 10 yfir par, eftir 13 spilaðar holur á 2. hring

Um slakkt skor sitt sagði Wie:

„Það er ergilegt. Ég var svo óundirbúin. Hef ekkert verið að spila. Ég hef ekkert slegið s.l. 2 vikur. Þannig að koma hingað í erfiðar aðstæður og á erfiðan völl. Þetta er ekki vika þar sem maður getur leyft sér að vera ryðguð.“

Til þess að sjá stöðuna á Opna breska kvenrisamótinu SMELLIÐ HÉR: