Trump telur að golf ætti bara að vera fyrir ríkt fólk

Donald Trump er þekktur fyrir að liggja ekki á skoðunum sínum.

Ekki er langt síðan að hann var með móðgandi athugasemdir um mexíkóska innflytjendur í Bandaríkjunum.

Það varð til þess að mexíkósk sjónvarpsstöð neitaði að sýna frá fegurðarsamkeppni þar sem Trump er aðalstyrktaraðilinn og Trump svaraði með því að segja að starfsfólki sjónvarpsstöðvarinnar væri bannað að spila á völlum í hans eigu.

Allar stærstu mótaraðir heims sem eru með Trump mót á mótaskrám sínum sáu ástæður til þess í sameiginlegri yfirlýsingu að taka fram að skoðanir Trump endurspegluðu ekki skoðanir þeirra.

Nú hefir Trump enn bætt gráu í svart.  Hann segir að golfið eigi bara að vera fyrir ríkt fólk; nokkuð sem fátækara fólkið ætti að stefna að allt sitt líf til að geta eitt sinn átt nóg fyrir til að spila; tilgangslaust sé að kenna fólki sem aldrei muni getað spilað golf, en allt í lagi sé að sauðsvartur almúginn horfi á golf t.a.m. til þess að horfa á hina ríku spila, því þá renna jú tekjurnar til Trump.

Sjá nánar í grein nj.com með því að SMELLA HÉR: