Darren Clarke fær liðsauka í Shane Warne, Andriy Schevchenko, Mike Tindall, Kenny Dalglish og Robbie Fowler

Ef bandaríska Ryder Cup liðið hélt að það myndi einungis mæta evrópskum kylfingum þá er Darren Clarke fyrirliði evrópska liðsins með slæmar fréttir.

Það mun einnig vera liðsauki frá áströlsku krikkett goðsögninni Shane Warne, sigurvegara Champions’ League Andriy Schevchenko; heimsbikarssigurvegaranum Mike Tindall; margföldum verðlaunahafa í boxi Oscar De La Hoya og Merseyside hetjunni Robbie Fowler.

Paul McGinley sagði að Alex Fergusson hefði verið leyni-mentor hans fyrir Gleneagles Ryder Cup-mótið 2014 og Clarke er enginn eftirbátur forvera síns; hann leitar í reynslusjóð Liverpool-arans Kenny Dalglish; mannsins sem leiddi Liverpool til tvöfalds sigurs (deildar-FAbikars) árið 1986, en Dalglish var með í „heimsliðinu“ sem lék undir stjórn Clarke í Icons cup í Dubai Creek.

„Kenny (Dalglish) gaf mér nokkuð góða innsýn en þegar ég hendi mér í stjórnina á hlutunum ráðfæri ég mig við hann aftur, þar sem hann hefir samþykkt að vera mér til stuðnings fram að Hazeltine,“ sagði Clarke.

„Ég var virkilega að leita ráða hjá leikmönnum mínum og tíni saman viskubrotin sem ég er viss um að muni hjálpa mér í starfi mínu sem fyrirliða fyrir Ryder Cup. Ég vil ekki bregðast neinu trausti en ég talaði við Shane um bestu fyrirliðana sem hann hefir spilað undir. Og ég gerði það sama við Robbie og Andriy og Mike skýrði út fyrir mér hvernig Clive [Woodward] stóð með honum þegar hann vann Heimsbikarinn.“

Og Clarke gat leitað til enn fleiri:  Kapil Dev, Brian Lara, George Gregan, Luis Figo, Brian O’Driscoll, Stephen Redgrave og  Dwight Yorke voru í liði hans meðan í hinu liðinu voru m.a. Marcus Allen úr bandaríska ruðningsboltanum (NFL) og boxstjarnan Oscar De La Hoya, með góð ráð.

Þetta urðu svona einskonar fyrirliðabúðir fyrir Clarke, sem ætlar ekkert að standa McGinley á sporði hvað fyrirliðastarfið varðar. „Við erum að tala um þá bestu af þeim bestu og þetta var frábær vika fyrir mig persónulega,“ sagði Clarke. „Ég var að fást við háforgjafarkylfinga, ekki Rory McIlroy, og við skulum bara segja að andrúmsloftið hafi verið afslappað.“

„Og það gaf mér færi á að eiga í djúpum samræðum. Ég var að spyrja allskyns spurninga allan tímann um það sem ég held að sé raunhæft fyrir mig í undirbúningnum fyrir Hazeltime og jafnvel í liðsherberginu. Þeir voru allir mjög hjálpsamir og gáfu mér upplýsingabrot. Jamm, ég myndi segja að í sumu hafi það breytt sjónarhorni mínu á nokkur atriði.“

Clarke gaf ekkert upp um hvort það hefði breytt sinni sýn á hvað þurfi til að kvalífíserast í evrópska liðið, en því kerfi hafði hann hugsað sér að breyta. En nú er talið að hann muni halda sér við 3 „villt kort“ (Villt kort = val fyrirliða í evrópska Ryder bikarsliðinu á 2-3 leikmönnum í lið sitt) í stað þess að fækka þeim í 2.

„Það er nefndarfundur í Wentworth á BMW PGA Championship í næsta mánuði og ég tek líklega lokaákvörðun þá (um villtu kortin).“