Lík af syni golffréttaritara ESPN finnst í Lake Ontario

Lögreglan í Rochester, New York, hefir borið kennsl á lík sem fannst nú á föstudaginn fyrir helgi, sem  það af Max Maisel, en hann var aðeins 21 árs, sonur ESPN golffréttaritarans Ivan Maisel, sem m.a. á heimili í Mobile, New York.

Max Maisel var á 3. ári í  Rochester Institute of Technology og hafði verið saknað frá 22. febrúar en gert hafði verið ráð fyrir að hann hefði drukknað.  Skv.the Rochester Democrat and Chronicle, fann stangveiðimaður líkið kl. 7:30 p.m.  sl. föstudag þar sem það flaut aðeins 200 yördum frá þeim stað þar sem Maisel var síðast talinn hafa verið á.

Maisel fjölskyldan hélt minningarguðsþjónustu í síðasta mánuði og lét frá sér fara eftirfarandi fréttatilknningu í gær, mánudaginn 20. apríl.

„Við viljum þakka bandarísku landhelgisgæslunni og lögreglunni í Rochester þ.á.m. réttarlækningum fyrir vinnu þeirra og fyrir að flytja líkamsleifar Max úr Lake Ontario og bera kennsl á hann. Við erum þakklát fyrir allt sem þeir, sem og svo margir aðrir löggæsluaðilar á svæðinu hafa gert fyrir okkur s.l. 8 vikur.

Við vissum að þessi dagur myndi koma og okkur léttir að hann hefir komið. Þetta er aðeins eftirmálinn af sorglegri sögu okkar. Við höfum syrgt Max frá því kvöldi sem lögreglan í Rochester hringdi og sagði okkur frá því að hans væri saknað. Það var engin önnur líkleg skýring á þeirri ráðgátu sem hann skyldi eftir.  Nú verðum við að halda áfram að lifa með þessu tómi í lífi okkar.

Dauðinn getur ekki rænt okkur þeirri ást sem við berum til sonar okkar og þeirri ást sem systur hans báru til hans. Dauðinn mun ekki ræna okkur því.

Við eigum minningar um ljúfan dreng sem óx upp í að verða viðkvæmur, elskulegur ungur maður. Við höfum þessa mynd af honum og þeim hæfileikum, sem hann var rétt byrjaður að sýna.  Við höfum umhyggju og umönnun fjölskyldu og vina á heimili okkar í Fairfield CT og um allt land (Bandaríkin) [innskot: og utan þeirra].

Hér þökkum við íbúum Rochester og Monroe County aftur fyrir það að þeir gerðu þessar hræðilegu fréttir að sínum. Það þakklæti sem við auðsýnum hér verður aldrei nógsamlegt.

Við söknum hans með sárum trega og það mun aldrei líða hjá.“

Bíll Max Maisel fannst á bryggju fyrir framan vatnið stuttu eftir að hann hvarf. Hvað varð til þess að hann drukknaði er óljóst þó Ivan Maisel hafi sagt í minningarathöfninni um son sinn í síðasta mánuði að það væru atriði sem bentu til þess að hann hefði framið sjálfsmorð.