The Masters 2015: Spieth m/ 4 högga forystu f. lokahringinn: „Langt eftir í land“

Annað árið í röð mun Jordan Spieth spila í lokaráshópnum á The Masters.

En nú mun það koma öllum á óvart ef hann fer ekki frá keppni í grænum jakka!

Spieth er nú þegar búinn að setja met fyrir lægsta skor eftir 36 og 54 holur.  Hann bætti  54 holu skormetið sem Tiger og Raymond Floyd áttu um eitt högg  og er sá eini í sögu Masters, sem spilað hefir á samtals 16 undir pari, 200 höggum.

Ef ekki hefði verið fyrir skramba á Nandínu (17. braut Augusta National) þá hefði Spieth bætið metið enn meir og fátt, nema e.t.v. epískt hrun, getað komið í veg fyrir sigur hans – m.ö.o. hann hefði átt sigurinn næstum gulltryggðan.

Nú þarf hann að hafa aðeins meira fyrir hlutunum en 4 högga forysta, sem hann á, á þann sem er í 2. sæti Justin Rose, er fljót að gufa upp og líka þau 5 högg sem hann á, á þann sem er í 3. sæti  fyrir lokahringinn Phil Mickelson, en báðir Mickelson og Rose eru fyrrum risamótssigurvegarar og reynsluboltar.

Það er e.t.v. meiri bölvun en blessun að vera með of mikla forystu fyrir lokahringinn.

En Spieth hefir verið í þessum sporum áður, þ.e. að vera nálægt sigri á Masters, en þá var hann með 2 högga forystu og átti eftir 11 holur þegar Bubba Watson (sem er T-25) tók fram úr honum og sigraði.

„Ég held að það sé gott fyrir hann að hafa reynt þett áður,“ sagði nr. 1 á heimslistanum Rory McIlroy (sem er T-5 fyrir lokahringinn á The Masters) „Hann hefir spilað í lokaráshóp á Masters áður. Þetta tókst ekki hjá honum á síðasta ári, en ég held að hann hafi lært af þessari reynslu.“

Í lokaráshópnum verða Spieth og Rose. Fyrir framan þá eru Mickelson (einn vinsælasti kylfingurinn á Masters) sem er í ráshóp með Charley Hoffman (sem er 6 höggum á eftir Rory á samtals 10 undir pari).

Rose, Mickelson og Hoffman eru í raun þeir einu sem ekki eru tveggja stafa tölu á eftir Spieth.

Þeir 5 sem deila nefnilega 5. sætinu (Tiger, Rory, DJ, Na og Streelman) eru nefnilega heilum 10 höggum á eftir Spieth og næsta öruggt að engum þeirra á eftir að takast að sigra nema eitthvað verulega óvænt komi upp á hjá Spieth.

„Það verða öskur,“ sagði Spieth. „Það verða fagnaðaröskur fyrir framan okkur þegar Phil kemur. Og svolítið fyrir framan eru Tiger og Rory …. þannig að við eigum eftir að heyra eitthvað. Það snýst bara um að henda þessum atriðum úr huga sér og hafa ekki áhyggjur af því, þetta má ekki skipta máli, maður verður að vera með markmið, vera þolinmóður með þau tækifæri sem bjóðast„

Og Spieth hefir reynsluna um hversu fljótt hlutirnir breytast.  „Það er enn langt í land“ sagði Spieth, í gær eftir 3. hringinn.

Hér má sjá stöðuna eftir 3. dag á The Masters SMELLIÐ HÉR: