The Masters 2015: Tiger á 69 – Myndskeið

Fjórfaldur Masters meistari Tiger Woods lék á  3-undir pari, 69 höggum í dag, föstudaginn 10. apríl 2015,  á Augusta National, þ.e. á 2. hring The Masters í ár.

Hinn 14-faldi risamótsmeistari (Tiger) kláraði spila á holurnar 36 á 2 undir pari, 142 höggum! Þetta var í fyrsta sinn frá árinu 2014 á WGC-Bridgestone Invitational sem Tiger hefir klárað tvo hringi undir pari. Auðvitað var þetta líka bara 3. skiptið sem hann hefir klárað 36 holur síðan 2014.

„Þetta var sólíd dagur, ég gaf sjálfum með fullt af færum. Ég strögglaði aðeins við hraða flatanna, þær voru aðeins hægari en ég hélt að þær myndu vera,“ sagði Tiger. „Allt í allt náði ég nokkrum góðum par-púttum og hélt hringnum saman.“

Þetta var fyrsti hringur Tiger á Masters undir 70 frá lokahringnum 2011.

Hann náði ágætri byrjun með 15 feta (5 metra) fugli á fyrstu holu. Síðan komu fjögur pör; teighögg Tigers fór yfir flöt á 6. braut sem síðan varð að skolla sem aftur setti Tiger á 1 yfir í mótinu. Hann kom strax tilbaka með 27 feta (9 metra) glæsilegu fuglapútti á 7. holu

Hann náði aftur fugli á par-5 8. holunni – þar með var hann kominn undir pari í fyrsta skipti þessa viku.

Tiger var síðan með annan fugl á 11. holu frá 15 feta færi (5 metra færi, en með því fór hann niður í 2 undir par.  Þetta var aðeins einn af 4 fuglum á þessum degi á 11. holu.

Tiger var síðan bara stöðugur paraði síðustu 7 holurnar og á þessum kafla sáust mörg góð „save“

Á 18. átti Tiger besta tækifæri sitt á fugli á þessum síðustu 7 holum, en það tókst ekki og par var niðurstaðan.

Alls ekki slæmt hjá kallinum!!!  Hér má sjá viðtal við Tiger eftir glæsilega 69 hringinn SMELLIÐ HÉR: