The Masters 2015: Streelman sigraði í par-3 keppninni – Jack Nicklaus og 3 aðrir með ás

Kevin Streelman bar sigur úr býtum í par-3 keppni The Masters 2015, eftir bráðabana við Camilo Villegas.  Þeir voru báðir á 5 undir pari, 22 höggum eftir 9 leiknar par-3 holur. Það varð því að koma til bráðabana og þar vann Streelman, Villegas með fugli á 3. holu bráðabanans.  Hefðinni skv. ætti Streelman ekki að takast að sigra á Masters mótinu sjálfu.

Sjá má úrslitin úr par-3 keppninni 2015 með því að SMELLA HÉR: 

Sigurvegarinn Kevin Streelman með 13 ára kylfubera sinn, sem er með heilaæxli

Sex-faldur sigurvegari græna jakkans, hinn 75 ára Jack Nicklaus náði ási á par-3 4. holu par-3 vallarins á Augusta og fékk að launum „high five“ frá spilafélögum sínum, Gary Player og Ben Crenshaw.

Sjá má myndskeið frá því að Nicklaus fékk ásinn með því að SMELLA HÉR: 

Þremur öðrum tókst að fá ás í par-3 keppninni Camilo Villegas frá Kólombíu og  Mathias Dominguez áhugamaður frá Chile (báðir á 4. holu) Trevor Immelman frá S-Afríku (á 7. holu).

Tiger og fjölskylda í par-3 keppninni

Kylfuberar Tiger í par-3 mótinu voru börn hans Sam og Charlie og eins fylgdist kærasta hans Lindsey Vonn með. Tiger skrifað um par-3 keppnina á Twitter, en þar sagði hann m.a.: „Ég mun alltaf eiga minningar um pabba á Augusta og nú Sam & Charlie. Þetta var frábær dagur.“

Sá sem á titil að verja á Augusta, Bubba Watson, var með syni sínum Caleb, sem var í hefðbundnum hvítum klæðnaði kylfubera með grænt der!  Allt í allt var þetta bara skemmtilegur dagur – þar sem meira var lagt upp úr að stjörnurnar slöppuðu af með fjölskyldum sínum, áður en aðalkeppnin hefst – í dag!

Hér má sjá myndir frá par-3 keppni Masters SMELLIÐ HÉR: 

Caleb að hjálpa pabba sínum, Bubba Watson

Rickie Fowler að leika sér við Caleb, son Bubba Watson