Nýju stúlkurnar á LPGA 2015: Laetitia Beck (26/45)

Það voru 7 stúlkur sem deildu 18.-24. sætinu á lokaúrtökumóti LPGA, sem fram fór 3.-7. desember 2014.

Lokaúrtökumótið fór fram á Hill og Jones golfvöllunum á  LPGA International, á Daytona Beach, í Flórída.

Aðeins 20 stúlkur fengu fullan spilarétt á LPGA 2015 og því varð að fara fram bráðabani milli þessa 7 stúlkna og komust 3 áfram og fengu fullan spilarétt þ.e.: Laetitia Beck, Garrett Phillips og Karlin Beck, en hinar 4 fengu aðeins takmarkaðan spilarétt þ.e.: Julie Yang, Jacqui Concolino, Stephanie Meadow og Casey Grice (en þær 4 hafa þegar verið kynntar).

Laetitia Beck var ein af þeim 3 heppnu sem unnu bráðabanann og er með fullan spilarétt á LPGA 2015.

Beck lék eins og allar hinar sex á samtals 4 undir pari, 356 höggum ( 69 74 68 70 75).

Laetitia Beck (hebreska: לטיסיה בק) fæddist 5. febrúar 1992 í Antwerpen í Hollandi og er því 23 ára.

Hún er fyrsti ísraelski kylfingurinn til þess að keppa á LET. Í Ísrael býr hún í Caesarea.

Hún tók þátt í fyrsta móti sínu sem atvinnumaður á Opna breska kvenrisamótinu 2014, en það ár gerðist hún atvinnumaður í golfi.

Beck hefir sigrað The Israeli Open Golf Championship 5 sinnum, í fyrsta sinn þegar hún var 12 ára.

Hún vann einnig gullmedalíur í golfi bæði árin 2009 og 2013 í Maccabiah Games.

Beck lék í bandaríska háskólagolfinu með liði Duke University á árunum 2010–14, þar sem hún var í kvennagolfliði háskólans Blue Devils.

Árið 2011 var hún kjörin Atlantic Coast Conference nýliði ársins, árin 2013 og 2014 svar hún All-American, og á háskólaárum sínum var hún með meðahöggafjölda á hring upp á 73.58 (sem er 10. besti árangur í sögu skólans).

Beck sú fyrsta frá Ísarel til þess að keppa í móti á LPGA og í desember 2014 varð hún, eins og áður segir, sú fyrsta frá Ísrael til þess að komast á LPGA.