Stephen Gallacher kylfingur ársins í Skotlandi

Stephen Gallacher var útnefndur kylfingur ársins í Skotlandi í veislu föstudagskvöldið í Edinburgh´s Corn Exchange í Edinborg á Scottish Golf Awards.

Á árinu 2014 komst Gallacher meðal 50 bestu á heimslistanum og spilaði í fyrsta sinn í Ryder Cup á heimavelli í Gleneagles.

Gallacher tók við heiðursverðlaunum sínum úr hendi eins fremsta kvenkylfings Skotlands til margra ára, Catrionu Matthews, fyrir framan 600 gesti, sem voru saman komnir.

Gallacher eins og svo margir aðrir af toppkylfingum heims er að búa sig undir fyrsta risamót ársins, sem nálgast óðfluga.

Eftir að Gallacher hafði hlotið heiðursveðlaunin sagði hann: „Það var dásamlegt að fá þessa heiðursviðurkenningu fyrir framan alla vini mína, fjölskyldu og samkeppendur.“

„Það var líka frábært að fá svona brillíant hyllingu frá golfáhangendum í Skotlandi, sem fjölmenntu hingað á Scottish Golf Awards.“

„Þetta var sérstakt ár fyrir mig, ár sem verður erfitt að jafna. En ég vinn hörðum höndum að því að ná enn lengra og ég hlakka itl að keppa í öllum fjórum risamótum á þessu ári.“

„Að hljóta þessa heiðursviðurkenningu í svona eftirminnilegu ári í skosku golfi þegar svona margir aðrir náðu frábærum árangri, gerir þetta jafnvel enn meira sérstakt fyrir mig.“