Nýju stúlkurnar á LPGA 2015: Jacqui Concolino (24/45)

Það voru 7 stúlkur sem deildu 18.-24. sætinu á lokaúrtökumóti LPGA, sem fram fór 3.-7. desember 2014.

Lokaúrtökumótið fór fram á Hill og Jones golfvöllunum á  LPGA International, á Daytona Beach, í Flórída.

Aðeins 20 stúlkur fengu fullan spilarétt á LPGA 2015 og því varð að fara fram bráðabani milli þessa 7 stúlkna og komust 3 áfram og fengu fullan spilarétt þ.e.: Laetitia Beck, Garrett Phillips og Karlin Beck en hinar 4 fengu aðeins takmarkaðan spilarétt þ.e.: Julie Yang, Jacqui Concolino, Stephanie Meadow og Casey Grice.

Byrjað verður að kynna þær 4 óheppnu sem töpuðu í bráðabananum um fullan keppnisrétt á LPGA og eru því líkt og hinar 23, sem þegar hafa verið kynntar með takmarkaðan spilarétt á LPGA 2015.

Í dag verður Jacqui Concolino kynnt, en Casey Grice og Stephanie Meadow hafa þegar verið kynntar.

Jacqui lék á samtals 4 undir pari, 356 höggum (71 71 71 71 72) og hlaut $1,242 í verðlaunafé.

Jacqui Concolino fæddist 14. október 1987 og er því 27 ára. Hún er dóttir Doreen og Robert og á einn eldri bróður, Anthony.

Jacqui byrjaði 12 ára að spila golf og segir afa sinn hafa verið þann sem hafði mest áhrif á feril hennar.

Jacqui tók þátt í bandaríska háskólagolfinu; spilaði með liði Vanderbilt þar til hún útskrifaðist 2010 í skipulagsfræði.

Árið 2011 spilaði hún á minni mótaröð Suncoast Series þar sem hún sigraði 3 sinnum.

Árið 2012 var hún komin á LPGA en hún komst í gegn í Q-school í fyrstu tilraun sinni. Þetta ár 2012, spilaði hún líka á 2 mótum á Symetra Tour.

Meðal áhugamála Jacqui er að fara í hand- og fótsnyrtingu og horfa á Seinfeld.