Bandaríska háskólagolfið: Sunna í 11. sæti e. 2. dag Kiawah Island Spring Classic – Berglind á samtals +14

Sunna Víðisdóttir, GR og Berglind Björnsdóttir, GR taka þátt í Edwin Watts/Kiawah Island Spring Classic, en mótið stendur 1.-3. mars 2015.

Leikið er á golfvöllum tveggja golfklúbba Oak Point golfklúbbnum og Osprey golfklúbbnum á Kiawah Island, í Suður-Karólínu.

Sunna hefir spilað á samtals 3 yfir pari, (71 76) . Hún er T-11 i í einstaklingskeppninni, sem stendur þ.e. deilir 11. sætinu ásamt 3 öðrum.  Þetta er glæsilegur árangur hjá Sunnu, en 150 þátttakendur taka þátt í þessu stóra og sterka háskólamóti. Lið Sunnu, Elon er í 5. sæti af 40 háskólaliðum, sem þátt taka.

Berglind hefir ekki fundið sig í mótinu er sem stendur T-67 á samtals 14 yfir pari (78 80) og lið hennar UNCG er í 20. sæti í liðakeppninni.

Til þess að fylgjast með lokahring stúlknanna á í Edwin Watts/Kiawah Island Spring Classic SMELLIÐ HÉR: