Heiðar Davíð golfkennari ársins 2014!

Heiðar Davíð Bragason, golfkennari GHD, var í gær kjörinn golfkennari ársins 2014  á aðalfundi PGA golfkennarafélags Íslands.

Heiðar Davíð hefir náð frábærum árangri með börn og unglinga hjá Golfklúbbnum Hamri á Dalvík (GHD), auk þess sem hann tók sjálfur þátt á Eimskipsmótaröðinni á Hellu (þ.e. 2 mótinu 2014).

Hann hefir sjálfur tekið saman árangurinn 2014 og má sjá að hann er einkar vel kominn að viðkenningunni.

Golf 1 óskar Heiðari Davíð innilega til hamingju með titilinn Golfkennari ársins!!!

Hér má sjá árangur Heiðars Davíðs með krakkana á Dalvík 2014, en í samantekt á vefsíðu GHD segir: 

„Við upphaf árs er vel við hæfi að líta um öxl og fara yfir árangur okkar fólks á síðasta ári. Eins og undanfarin ár fór mest fyrir árangri barna og unglinga og hefur Heiðar Davíð þjálfari tekið saman árangurinn á árinu 2014. Hér að neðan er listi yfir afrek unga fólksins okkar:

Íslandsbankamótaröðin (6 mót)
-Birta Dís varð í 3. sæti í 17-18 ára, á ár eftir í flokknum (Lék í 5 mótum).
-Arnór Snær varð stigameistari í 15-16 ára, á ár eftir í flokknum.
-Ólöf María varð stigameistari í 15-16 ára, á ár eftir í flokknum.
-Magnea Helga varð í 14. sæti í 15-16 ára, á ár eftir (Lék í 4 mótum)
-Snædís Ósk varð í 7. sæti í 14 ára og yngri (Lék í 4 mótum)
-Amanda Guðrún varð í 10. sæti í 14 ára og yngri (Lék í 4 mótum)
Krakkar úr GHD í verðlaunasætum á Íslandsbankamótaröðinni í sumar: 14 sinnum.