Ólafía Þórunn: „Lærði mikið og gafst ekki upp….“

Íslandsmeistarinn okkar í höggleik Ólafía Þórunn Kristinsdóttir, GR, byrjaði svo vel á lokaúrtökumótinu í Lalla Aicha Tour School í Marokkó, með hringjum upp á 73 og 74 en því miður fylgdu eftir tveir síðri og ekki komst Ólafía í gegn í þetta sinn.

Aðeins hefði þurft tvo alveg eins hringi og þá fyrri og Ólafía hefði komist í gegn.

Að leikslokum skrifaði Ólafía eftirfarandi á facebook síðu sína:

„Jæja! Þessi tilraun gekk ekki eftir. Þetta er mikið álag og eg er ánægð að hafa nælt mer i þessa reynslu. Ég lærði mikið og gafst aldrei upp! Síðustu tvo daga féll ekki allt með mér og sérstaklega ekki í púttunum. Þessi blessuðu pútt þurfa að detta á svona tímapunktum. Ég mun fara a Access mótaröðina á næsta ári og næla mér í ennþá meiri reynslu þar. Takk fyrir allan stuðninginn og hvatningu „

Þetta er fyrsta tilraun Ólafíu Þórunnar og þess mætti loks geta að fyrrum liðsfélagi hennar Cheyenne Woods, sem nú spilar á LPGA þurfti 3 tilraunir á LET áður en hún komst inn!