Nýju strákarnir á PGA Tour 2015: Andrew Putnam (43/50)

Andrew Putnam var í 8. sæti á Web.com Tour Finals og hlaut því kortið sitt á PGA Tour fyrir keppnistímabilið 2014-2015.

Andrew Putnam fæddist í Tacoma, Washington  25. janúar 1989 og er því 25 ára.

Eldri bróðir Andrew, Michael spilar líka á PGA Tour.

Andrew Putnam lék í 4 ár í bandaríska háskólagolfinu með Pepperdine University á árunum 2008-2011.  Hann vann tvisvar sinnum einstaklingskeppnishluta móta sem hann spilaði í og var þrisvar sinnum All-American.

Putnam gerðist atvinnumaður eftir útskrift úr háskóla árið 2011.

Hann spilaði fyrst á  eGolf Professional Tour árið 2012.

Árið eftir, 2013,  var Andrew kominn á Web.com Tour og varð í 49. sæti á peningalistanum, en vann sér ekki inn PGA Tour kortið sitt.

Andrew vann fyrsta mótið sitt á Web.com Tour í apríl árið 2014, þe. WNB Golf Classic

Andrew spilaði í fyrsta sinn á PGA Tour nú í ár á Shell Houston Open, en í því móti léku þeir bræðurnir Michael,en Andrew komst ekki í gegnum niðurskurð.