Ragnheiður Jónsdóttir | desember. 2. 2014 | 15:15

Tiger sást síðast haltra af golfvelli eins og 80 ára bakveikur karl …. en nú er hann kominn aftur

Einmitt þegar þið hélduð að það væri kominn tími á að líta yfir farinn veg á þessu síðasta golftímabili þá kemur hér ein frétt með fyrirsögn sem er ekki bara sérstök í sjálfu sér heldur hefir einnig áhrif fyrir komandi ár …. 2015.

Í Isleworth, Flórída í þessari viku – já það er staðurinn þar sem hann bjó og lenti á árekstri fyrir 5 árum þegar líf hans breyttist óumbreytanlega – við erum að sjá nýjasta „comeback“ Tiger Woods.

Tiger Woods makes his comeback and could offer clues as to his future at the highest level in Orlando

Þessi endurkoma Tiger er nokkuð sem fylgst verður náið með því það segir e.t.v. fyrir um hver keppnisgeta hans á æðsta stigi golfsins er í dag.

Endurkomur Tiger á undanförnum árum hafa í flestum tilvikum verið endurkomur hans eftir veikindi t.a.m. 2009 en síðan eitt á The Masters 2010, en þá var hann að snúa aftur til keppni eftir framhjáhöld sín og fríið langa sem hann tók sér eftir að upp komst um þau og hjónaband hans og Elínar Nordegren leið undir lok.

Á þeim tíma fannst manni að Tiger myndi svo sannarlega snúa aftur á toppinn, sem hann og gerði. En í þetta skipti eru þeir sem eru í vafa fleiri. 

Síðast þegar sást til Tiger gat hann varla slegið högg án þess að æpa af sársauka. Á Bridgestone Invitational í ágúst, þá skreið besti kylfingur allra tíma inn í golfbíl sinn með sama liðleika og áttræður maður.  Og í vikunni þar á eftir sáum við sárþjáðan Tiger haltra af golfvelli á PGA Championship og hann tók sér frí til þess að koma aftur skikki á heilsu sína.

Nú aðeins nokkrum dögum fyrir 39 ára afmælisdag hans, snýr Tiger aftur!  Og golffréttirnar eru nú uppfullar af fréttum af honum, því enn sem komið er, er Tiger sá sem alltaf veldur mestri forvitni …. sama hvað hann gerir.

Even if he is fit enough, will Woods be able to compete against the likes of Rory McIlroy?

Margir velta fyrir sér, hvort hann geti keppt á móti strákum eins og Rory McIlory aftur og haft betur.  Mun Tiger ná toppnum aftur?
Er hann jafnvel orðinn nógu góður að hann geti keppt á æðsta stigi golfsins aftur, þ.e. reglulega?  Og jafnvel þó hann sé orðinn nógu hress, getur hann keppt á móti Rory …. og haft betur?
Hvorugri spurningunni verður líklega svarað í Orlando, en það verður spennandi að sjá í hvernig formi Tiger er og hvernig honum er að takast að sveifla undir handleiðslu nýja sveifluþjálfarans, Chris Como.
Þetta s.l. ár hefir Tiger þurft að horfa upp á Rory ná að sýna það besta af gríðarlegum hæfileikum sínum.  Tiger hefir séð bandarískt golf hefja þjáningarfullan veg þess að reyna að finna aðrar golfstjörnur í fjarveru hans, gulldrengi eins og Rickie Fowler og Jordan Spieth.
American golf has invested in the likes of Rickie Fowler (above) and Jordan Spieth

Mun Tiger hafa einhverja þýðingu á komandi þróun fyrir utan þann hefðbunda áhuga sem menn hafa á honum vegna fornrar frægðar og vegna þess að þar sem Tiger fer, fer einn besti íþróttamaður allra tíma.

Vonum að við sjáum a.m.k. eitt eða tvennt jákvætt í leik Tiger í þessari viku.

Hér er vert að minnast orða Tiger í sjónvarpsþætti sem þeir Rory mættu í, í ágúst s.l.  Þar sagði Tiger með blik í augum við Rory: „Ég ætla ekki að láta þig vinna græna jakkann á næsta ári,“ en á næsta Masters móti reynir Rory að verða sá yngsti til þess að ná Career Grand Slam (þ.e. að hafa sigrað í öllum 4 risamótunum á ferli sínum).

Sjáum hvað setur en fram í apríl eru enn rúmir 4 mánuðir!