Afmæliskylfingur dagsins: Heiðar Davíð Bragason – 8. nóvember 2014

Afmæliskylfingur dagsins er Heiðar Davíð Bragason. Heiðar Davíð er fæddur 8. nóvember 1977 og því 37 ára í dag.

Heiðar Davíð er golfkennnari við Golfklúbbinn Hamar á Dalvík (GHD). Nú í ár, 2014 er eftirminnilegt að Heiðar Davíð spilaði í 2. móti Eimskipsmótaraðarinnar á Hellu og á Íslandsmótinu í höggleik en hann hefir síðustu ár minna spilað sjalfur en einbeitt sér að því að þjálfa aðra.

Heiðar Davíð Bragason, GHD, á Íslandsmótinu í höggleik á Leirdalsvelli. Mynd: Golf 1

Hann var tvöfaldur klúbbmeistari árið 2013 þ.e. bæði klúbbmeistari Golfklúbbs Ólafsfjarðar og Golfklúbbsins Hamars á Dalvík. Auk framangreinds hefir Heiðar Davíð  gert ýmislegt og unnið marga aðra sigra í golfíþróttinni. Sem dæmi mætti nefna að hann keppti á danska Scanplan túrnum 2007 og EDP-mótaröðinni 2008. Hann sigraði í Einvíginu á Nesinu 2008. Eins er eftirminnilegt þegar Heiðar Davíð setti glæsilegt vallarmet á Vatnahverfisvelli á 25 ára afmælismóti Golfklúbbsins Óss á Blönduósi árið 2010; spilaði völlinn á -5 undir pari, 65 höggum. Vallarmetið stendur enn. Hann varð stigameistari á Norðurlandsmótaröðinni 2010 og er auk framangreindss klúbbmeistari GHD 2009, 2010 og 2011. Heiðar Davíð er kvæntur Guðríði Sveinsdóttur.

Komast má á facebook síðu afmæliskylfinganna til þess að óska þeim til hamingju með daginn hér að neðan:

Aðrir frægir kylfingar sem eiga afmæli í dag eru:  Beverly Klass, 8. nóvember 1956 (58 ára);  Thongchai Jaidee, 8. nóvember 1969 (45 ára); Francesco Molinari, 8. nóvember 1982 (32 ára); Kathleen Ekey, 8. nóvember 1986 (28 ára) – spilar á LPGA –  ….. og …..

Coralie Cicuto (29 ára)

Dagný Marín Sigmarsdóttir (51 árs)

Ágústa Sigurðardóttir (55 ára)

Lisa Amati

Toshiki Toma (56 ára)

Sigridur Gudnadottir

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is