Ein fyrrum hjákona Tiger í sviðsljósinu

Jamie Jungers (sem 2009 hét enn Jamie Grubbs) og var ein af fyrrum hjákonum Tiger hefir nú verið í sviðsljósinu, vegna þess að hún kom fram í sjónvarpsþætti Howard Stern, sem var svo smekklegur (sem hans er von og vísa) að halda fegurðarkeppni meðal allra fyrrum hjákvenna Tiger.

Jamie vann fegurðarsamkeppnina og hlaut fyrir vikið $ 75.000,-  (u.þ.b. 9 milljónir 150.000 íslenskra króna)

Hún hefir síðan komið fram í viðtölum og m.a. lýst því yfir að ekki hafi borgað sig fyrir hana að vera með Tiger, þar sem sér hafi þótt hann afar nískur.

Hann hafi t.a.m. þegar þau fóru út að borða alltaf verið að biðja um afslætti eða hvort hann fengi ekki frítt að borða þar sem hann væri nú einu sinni TIGER WOODS.

Hún hafi eitt sinn beðið hann að aðstoða sig fjárhagslega, ekki nefnt neina fjárhæð, en Tiger hafi sagt að það gæti hann ekki.

Nú eftir Stern sjónvarpsþáttinn má hins vegar segja að sambandið við Tiger hafi „borgað sig“ fyrir Jungers.

Lesa má nánar um samband Jungers og Tiger og ofangreint með því að SMELLA HÉR: 

Það getur ekki verið þægilegt fyrir Tiger (hvað þá núverandi kærustu hans, Lindsey Vonn) að sífellt skuli enn í dag, 5 árum eftir framhjáhöldin, enn verið að fjalla um þau í alheimspressunni.