Nýju strákarnir á PGA Tour 2015: Alex Prugh (10/50)

Alex Prugh er sá 41. sem af 50 sem hlaut kortið sitt á PGA Tour fyrir keppnistímabilið 2014-2015.   Hann varð í 11. sæti á peningalista Web.com í fyrra og spilaði því á PGA Tour keppnistímabilið 2013-2014 en þurfti að fara í Web.com Finals mótaröðinni, til þess að endurnýja keppnisréttindi sín, en þar spila allir þeir sem eru 126-200 á peningalista PGA Tour og var Prug einn af þeim í ár.

Alexander Prugh fæddist 1. september 1984 í Spokane, Washington og varð því 30 ára fyrir u.þ.b. mánuði síðan. Prugh var í Joel E. Ferris menntaskólanum, þar sem hann var í golfliðinu. Hann spilaði síðar í bandaríska háskólagolfinu með University of Washington, þars em hann var þrefaldur varsity Pac-10-All-Conference. Árið 2010 kvæntist Alex núverandi konu sinni, Katie.

Katie og Alex Prugh

Atvinnumannsferill

Frá því að Prugh gerðist atvinnumaður árið 2007 hefir hann varið mestum tíma við golfleik á Nationwide Tour (nú Web.com Tour) þar sem hann hefir sigrað 1 sinni þ.e. á Michael Hill New Zealand Open, árið 2009.

Árið 2009 varð Prugh í 16. sæti á peningalista Nationwide Tour og vann sér í fyrsta sinn keppnisrétt á PGA Tour 2010. Aðeins í 3. móti sínu á PGA var Prugh í forystu á lokahring Bob Hope Classic. Mikið rigningarveður varð til þess að miklar tafir urðu og þegar aftur var farið að spila missti Prugh niður forystuna og hafnaði einn í 5. sæti og hlaut í verðlaun $200,000. Hann varð líka í 5. sæti á næsta móti Farmers Insurance Open og í 10. sæti á the Northern Trust Open.

Besti árangur Prugh er T-2 árangur á Frys.com Open, árið 2010.

Prugh var sem segir í 41. sæti af þeim sem unnu sér inn keppnisrétt og kortið sitt á PGA Tour 2015.