Scott 51 árs bróðir Steve Stricker látinn

Scott Stricker, eldri bróðir PGA Tour kylfingsins Steve Stricker lést s.l. laugardag á University of Wisconsin Hospital í Madison, Wisconsin.

Scott Stricker, sem bjó í Cambridge,Wisconsin varð 51 árs.

Í janúar gekkst hann undir skurðaðgerð á görnum þar sem gall lak inn í maga hans. Í kjölfarið gekkst hann undir lifrarígræðslu í febrúar sem bjargaði lífi hans þá. En eftir þessar aðgerðir gáfu nýru hans sig og hann var stöðugt inn og út á gjörgæslu.

Scott Stricker var einnig með Crohn’s disease.

Skv. dánarfregn í  the Janesville Gazette, mun jarðarför hans fara fram nú á miðvikudaginn kl. 11 f.h. frá   Central Catholic Church í Edgerton. Hinsta kveðja er milli kl. 16:00-19:00 á morgun, þriðjudag í Albrecht Funeral Homes & Cremation Services í Edgerton, og frá kl. 10 á miðvikudaginn þar til athöfnin hefst kl. 11:00.

Golf 1 var m.a. með frétt af því þegar Steve Stricker íhugaði að vera ekki með í heimsmótinu í golfi vegna veikinda bróður síns. Sjá með því að SMELLA HÉR:

Lifrarígræðslan gekk vel s.l. febrúar og Steve var með í heimsmótinu.

Fyrir Opna bandaríska fyrr í sumar talaði Steve Stricker um hversu mikið veikindi bróður hans hefðu tekið toll af golfleik hans.

„Ég er alltaf á sjúkrahúsinu þegar ég er heima,“ sagði Steve Stricker. „Hann hefir verið fókusinn hjá mömmu og pabba og fjölskyldum okkar s.l. 6 mánuði, þannig að golfið hefir verið látið sitja á hakanum.“

Í síðasta mánuði var Steve Stricker, 47 ára, varafyrirliði bandaríska Ryder bikars liðsins, sem tapaði fyrir liði Evrópu í Pertshire, Skotlandi.