Rory kylfingur ársins á PGA – Hadley nýliði ársins

Rory McIlroy var í dag valinn leikmaður ársins af félögum sínum á PGA túrnum í 2. sinn á 3 árum – Nýliði ársins var valinn Chesson Hadley.

Chesson Hadley

Þar með er Rory kominn í hóp  Tiger Woods, Greg Norman og Nick Price, en þeir hafa allir unniðthe Jack Nicklaus Award oftar en 1 sinni frá því farið var að veita viðurkenninguna 1990.

„Mig langar til að vinna fleiri slíkar (viðurkenningar) á ferli mínum og mér finnst eins og ég geti það,“ sagði Rory en hann er í St. Andrews þar sem hann ætlar að spila í Dunhill Links Championship.

Meðal þess sem talið er hafa vegið þungt í valinu á Rory sem leikmanni ársins er að hann er aðeins 7. kylfingurinn í golfsögunni, sem unnið hefir tvö síðustu risamót á sama árinu, en það gerðist síðast árið 2008 þegar Pádraig Harrington tókst það.

Aðrir sem komu til greina sem kylfingur ársins á PGA í ár voru  Martin Kaymer, sem sigraði á The Players Championship og Opna bandaríska; Masters sigurvegarann Bubba Watson; og FedEx Cup meistarann Billy Horschel; og auk þess Jimmy Walker, sem vann 3 mót á PGA Tour, keppnistímabilið 2013-2014.

Chesson Hadley var valinn nýliði ársins 2014.   Sjá má kynningu Golf 1 á Hadley með því að SMELLA HÉR: 

Hadley sigraði á the Puerto Rico Open, sem var haldið á sama tíma og heimsmótið fór fram í Doral. Hann var einn af 3 nýliðum sem kom til greina en sá eini af þeim sem sigraði á PGA Tour og komst þar að auki í 3. umferð FedEx Cup umspilsins.