Rory: „Ég er glaður að Horschel er ekki með í Rydernum“

„Náunignn sem spilaði besta golfið síðustu 3 vikurnar og sigraði FedEx Cup bikarinn, s.l. sunnudag, Billy Horschel, verður ekki með í Ryder bikars keppninni.

Nafn hans var sjaldan nefnt meðal þeirra sem komu til greina í bandaríska liðið.  Það þarf ekki að koma neinum á óvart því fyrir FedEx Cup bikarinn var besti árangur hans á PGA Tour tveir topp-10 árangrar frá því í júní í sumar.

Kona Horschel, Brittany, er ófrísk af fyrsta barni þeirra hjóna og er sett n.k. laugardag að eignast hana.  Sem betur fer fór ekkert af stað meðan Billy var að keppa því hann var búinn að gefa út að ekki ætti að trufla hann meðan hann keppti.  Nú er hann u.þ.b. 1.6 milljarði íslenskra króna ríkari og á einn stærsta viðburð ævi sinnar fyrir sér næstu helgi…. fæðingu fyrsta barns síns, lítillar stúlku!

En Tom Watson fyrirliði Ryder bikars liðs Bandaríkjanna gat einfaldlega ekki séð fyrir hversu vel Horschel myndi vera að spila.

Lokahringina 2 lék Billy Horschel með Rory McIlroy í East Lake Golf Club, Horschel og hélt haus og gott betur; hann bar sigurorð af McIlroy og Jim Furyk með 3 höggum.

„Mér tókst að halda þetta út og klára verkefnið,“ sagði Horschel „Og það hefir gefið mér mikið sjálfstraust og gleði að klára nokkuð eins og þetta, sérstaklega þegar litið er á strákana, sem ég keppti á móti.“

Watson hlýtur að hafa einhverja eftirsjá nú, þegar Horschel er heitasti kylfingur Bandaríkjanna, sem stnedur,  en Horschel sagði að sér fyndist ekki að hann hefði á þeim tíma sem liðið var valið hafa unnið sér sæti í Ryder bikars liði Bandaríkjanna.

Og Chris Kirk sem sigraði á Deutsche Bank og varð í 4. sæti á Tour Championship, er 2. heitasti kylfingur Bandaríkjanna.

Hvorugur þeirra Horschel og Kirk er í Ryder bikars liðinu ….. þess í stað er hann með Keegan Bradley, sem ekki einu sinni var með þátttökurétt í Tour Championship ásamt Hunter Mahan og Webb Simpson.

A.m.k. sýndi  Jim Furyk gott form.

Rory McIlroy

Um Ryder bikarinn sagði hinn yfirlýsingaglaði Rory McIlroy: „Ég er glaður að sjá ekki nokkra stákanna í Gleneagles: hann (Horschel), Ryan Palmer (sem varð í 7. sæti) og Chris Kirk.  Það eru nokkrir strákar sem eru að spila vel sem eru ekki í bandaríska liðinu, en áttu stóran sjéns að komast í liðið.“

Tja, eða vera valdir.

En ef gæti á allrar sanngirni þá var Horschel nú ansi langsóttur í Ryder lið Bandaríkjanna. Horschel segist samt hafa dreymt fyrir því að sigra í FedEx Cup.

„Þetta var mjög óljós (draumur) en ég man eftir að hafa haldið uppi FedEx Cup bikarnum,“ sagði Horschel. „Eftir því sem leið á mótið hugsaði ég ekkert um það og fannst þetta meira vera draumur sem ekki væri möguleiki.“

„En ég fór að hugsa meira um hann (drauminn) eftir ég sigraði. “ Og Horschel er svo sannarlega að lifa draumatíma ævinnar þessa dagana. Búinn að sigra á PGA Tour 2 sinnum á árinu með stuttu millibili og 3. sinnum allt í allt…. og litla barnið hans á leiðinni, sem hann segist ekki geta beðið eftir.