Hvað er heitt og hvað afleitt?

Nú í sumar hefir verið í gangi greinarflokkur hér á Golf 1 sem ber heitið „Hvað er heitt og hvað afleitt?“, sem er í raun bein þýðing og stæling á sambærilegum greinaflokki hjá CBSsports.com, sem heitir þar „What´s hot and what not … on the PGA tour.“ Þetta er síðasta greinin í greinaflokknum í bili  en hann hefur síðan aftur göngu sína á næsta sumri 2015, þegar mótaraðir okkar bestu hefja göngu sína á ný, enda hefir greinarröðinni verið ótrúlega vel tekið. Í næstu viku verður síðan birt yfirlit yfir heitustu kylfinga s.l. sumars, þ.e. upprifjun á hvað hefir verið heitast á þessu köldu sumri.

Á CBS er alltaf getið um 5 atriði (kylfinga, atburði, eitthvað innan golfheimsins), sem þykja hafa skarað fram úr í vikunni áður en greinin birtist og er þ.a.l. heitt og að sama skapi eitthvað sem var afleitt í vikunni þar á undan.

Í hinum íslenska greinaflokki er ekkert loforð gefið um fjölda þess sem er heitt eða afleitt að öðru leyti en því að alltaf er a.m.k. nefnt 1 atriði af hvoru og í mesta lagi 5 eins og á CBS. Haldið er sömu röð og hjá CBS – það sem er nr. 1 er heitast og síðan volgnar niður listann. Alveg eins með það sem er afleitt – það sem er frámunalega afleitt er í 1. sæti og síðan skánar eftir því sem fer niður listann.

Heitt/afleitt grein hefir yfirleitt birtst á mánudögum nú í sumar – þessi síðasta grein þetta árið birtist s.s. flestir eru orðnir vanir deginum eftir vegna mikils annríkis!

Hér fer 15. og næstsíðasti alíslenski „Hot“ listinn á árinu 2014,  þ.e. fyrir vikuhlutann 1. september – 8. september  (Listinn gildir til mánudagsins 15. september 2014):

1. sæti Langheitust og best eru sigurvegarar á 6. móti Íslandsbankamótamótaraðarinnar 2014 og 6. móti Áskorendamótaraðarinnar 2014: Kristófer Karl Karlsson, GKJ (sem átti stórglæsilegan fyrri hring á þessu síðansta móti Íslandsbankamótaraðarinnar í ár, 4 undir pari, 68 högg á Korpunni og Kristófer Karl ekki orðinn 13 ára!!!  Zuzanna Korpak vann sinn 2. sigur á Íslandsbankamótaröðinni í ár og sýndi að hún gefur yngri systur sinni Kingu lítið eftir, en Kinga vann þrívegis á mótaröðinni framan af sumri og er m.a. Íslandsmeistari í stelpuflokki í holukeppni. Það sem aldrei er nógu oft tekið fram er að Kinga er aðeins 10 ára…. og samt þrefaldur sigurvegari á Íslandsbankamótaröðinni – Flottur árangur hjá þeim systrum Zuzönnu og Kingu!!!  Ólöf María Einarsdóttir, GHD er sjóðandi heit en hún hefir sigrað oftast allra á Íslandsbankamótaröðinni í ár 4 sinnum – hún er einfaldlega flottur íþróttamaður og þegar talað er um sjóðandi heita kylfinga á það vel við Henning Darra Þórðarson, GK, sem auk þess að sigra í drengjaflokki á þessu 6. móti Íslandsbankaraðarinnar og vera á besta skorinu yfir mótið í heild,  var þar að auki búinn að standa sig framúrskarandi vel á  Opna ítalska U-16 ára áhugamannamótinu í vikunni.  Í elsta aldursflokknum eru heitust sigurvegararnir Aron Snær Júlíusson, GKG og Ragnhildur Kristinsdóttir.  Ásamt framangreindum 6 sigurvegurum verður að telja sjóðandi heit Kristófer Tjörva Einarson, GV og Sigrúnu Lindu Jónsdóttur, GKJ. fjórfalda sigurvegara á Áskorendamótaröð Íslandsbanka í stráka og stelpuflokki og sigurvegarann á 6. mótinu Arnar Gauti Arnarson í drengjaflokki.

2. sæti  Guðrún Brá Björgvinsdóttir, GK; Ólafía Þórunn Kristinsdóttir, GR og Sunna Víðisdóttir, GR eru sjóðandi heitar – þær tóku þátt HM kvenna í Japan og skiluðu bestum árangri nokkurs kvennalandsliðs frá upphafi – 29. sætinu af 50 þjóðum sem þátt tóku. Haukur Örn Birgisson og Úlfar Jónsson voru líka flottir sem liðsstjóri og þjálfari stúlknanna.

3. sæti Íslandsmeistarinn okkar sexfaldi í höggleik, Birgir Leifur Hafþórsson, GKG er alltaf heitur.  Það sem var extra heitt í s.l. viku var að hann varð í 8. sæti á sterku móti á Nordic League mótaröðinni, Willis Masters.  Sama er að segja um Þórð Rafn Gissurarson, GR – hann stóð sig vel í sterku móti erlendis….  varð í 14. sæti á móti í Þýskalandi á EPD mótaröðinni: Preis des Hardenberg GolfResort mótinu, þar sem hann fékk m.a. ás á 1. hring!!!  Heitt!!!

4. sæti  Arnór Snær Guðmundsson, GHD, sem stóð sig best á  Opna ítalska U-16 ára áhugamannamótinu, sem og hinir „drengirnir okkar“ sem þátt tóku: Henning Darri Þórðarson, GK og Fannar Ingi Steingrímsson, GHG.  Heitir að spila vona vel á þrælerfiðum velli á Ítalíu – Biella – „Le Betulle“.

5. sæti Kvennalandslið eldri kvenna sem þátt tók á European Senior Ladies’ Team Championship í Austurríki og varð í 14. sæti – þær eru heitar!!! Í kvennalandsliði eldra kvenna eru:  María Málfríður Guðnadóttir, GKG,  Steinunn Sæmundsdóttir, GR; Anna Snædís Sigmarsdóttir, GK; Ásgerður Sverrisdóttir, GR; Kristín Sigurbergs , GK og Erla Adolfs, GK.  Margrét Geirsdóttir var heiti liðstjórinn í förinni!!!

Það sem er afleitt er eftirfarandi: (Listinn tekur til vikuhlutans  1. september – 8. september og gildir til mánudagsins 15. september 2014):

1. sæti. Það sem er afleitt nr. 1 er að ekki skulu vera til fjármunir til að senda karlalandsliðið okkar á HM karlalandsliða í Japan!

2. sæti. Afleitt að það skuli ekki vera hægt að setja saman 6 stúlkna lið til þess að senda á Evrópumeistaramótið í sumar en að sögn landsliðsþjálfara „eigum við ekki sex stúlkur sem eru tilbúnar í það verkefni.“

3.-4. sæti  Veðrið – aumingja unglingarnir okkar voru að spila í hvössu rigningarveðri, sem er búið að vera ráðandi á golfvöllum þetta sumarið sem er að líða.   Aðspurð sögðu þau þó ÖLL SEM EIN SEM GOLF 1 SPURÐI  að veðrið hefði engin áhrif á þau …. þau klæddu það bara af sér – sannkallaðar hetjur unglingarnir okkar, flottir og duglegir!!! ….. því veðrið var AFLEITT!!!

5. sæti Að sumrinu skuli vera að ljúka og langt verður í að hægt sé að spila golf á grænu …. ja nema innanhúss og svo er bara að vona að haustið verði gott og veturinn mildur svo hægt sé að spila haust- og vetrargolf…. þá styttist í næsta sumar 🙂