Angela Bennett jarðsungin í gær

Angela Bennett, eiginkona kylfubera Matt Kuchar, Lance Bennett dó snögglega miðvikudaginn fyrir viku síðan.

Úrskurðað var að dauða hennar hefði borið að með eðlilegum hætti, þó engar aðrar upplýsingar hafi verið látnar uppi.

„Þetta er mjög erfiður tími fyrir fjölskyldu okkar, en við erum þakklát fyrir alla þá ást og styrk frá öðrum kylfuberum og alls golfsamfélagsins,“ sagði í yfirlýsingu sem Mark Steinberg hjá Excel Sports sendi frá sér, en hann er umbooðsmaður Matt Kuchar.

Í fréttatilkynningu frá Kuchar sagði m.a: „Sybi (eiginkona Kuchar), strákarnir og ég biðjum fyrir og erum með hugann hjá Lance og Emmu Grace (4 ára dóttir Bennett) á þessum erfiðu tímum.“  „Angela var góður vinur, yndisleg eiginkona og elskandi móðir sem hafði mikil áhrif á alla sem voru svo lánsamir að kynnast henni og hennar er sárt saknað.“

Vegna fráfalls Angelu voru allir kylfusveinar og sumir kylfingar á PGA Tour með appelsínugula borða í derum sínum, til að sýna hluttekningu sína.

Á pokanum hjá Matt Kuchar verður Brian Reed, þar til Bennett treystir sér til að snúa aftur til starfs síns.

Appelsínugulu borðarnir sem kylfusveinarnir voru með í derum sínum á Deutsche Bank mótinu