Kalla á: „FORE!!!“ þegar golfbolti stefnir á menn á golfvelli

Eitt af því allra fyrsta sem kylfingar læra er að öskra eigi FORE af öllum lífs og sálar kröftum ef bolti þeirra er sleginn í átt að öðrum mönnum á golfvelli, séu það aðrir kylfingar, starfsmenn golfvallarins eða aðrir menn á velli t.d. áhorfendur í golfmótum.

Þetta er eina, stóra undantekningin frá þeirri meginreglu að hafa eigi hljótt á golfvellinum til þess að trufla ekki leik aðra.

Þetta vita allir kylfingar.

FORE hrópið kemur oft í veg fyrir slys eins og maðurinn á myndinni varð fyrir.

Skv. sænska golfvefnum golf.se  voru Joakim Boden og félagar hans að spila golf í Bro Hof Golf Club í Svíþjóð þegar hann varð fyrir golfbolta, sem hann fékk beint í ennið.

Boden sagði að hann hefði ekki verið varaður við af gerningsmanninum.

„Ég hafði slegið 2. höggið mitt úr glompu og hafði rétt komið mér úr glompunni og stóð og leit á vin minn,“ sagði Boden.

„Ég sneri mér aftur og að teig og ætlaði að fara að slá 3. högg mitt á brautinni þar sem boltinn lá.“

„Áður en ég gat tekið skref í átt að brautinni, slóst boltinn í höfuðið á mér. Hljóðið var eins og byssuskot.“

Farið var í flýti með Boden í klúbbhúsið og ís lagður á kúluna, sem alltaf stækkaði og stækkaði á enni hans og síðan gat hann farið á spítala og heim.

Boden er einn af þeim heppnu, þó ótrúlega vont sé að fá svona „skot“ í höfuðið og hann líti út eins og „einhyrningur“ í nokkurn tíma með geysistóra kúluna á enninu! Menn geta hreinlega dáið úti á golfvelli verði þeir fyrir golfbolta á fullri ferð og í þessu tilviki munaði ekki nema nokkrum sentimetrum.

Þetta ætti að vera kylfingum þörf áminning að í það allra minnsti eigi að hrópa hátt „FORE“ misheppnist högg þeirra og stefni í átt að mönnum á golfvelli!!!  Betra er að hrópa að óþörfu FORE en að láta það vera.