Viltu gerast SNAG leiðbeinandi?

Þriðjudaginn 26. ágúst verður boðið upp á SNAG leiðbeinendanámskeið fyrir þá sem áhuga hafa á að verða SNAG leiðbeinendur. Námskeiðið er fyrir þá sem hafa áhuga á að efla útbreiðslu golfíþróttarinnar meðal barna, unglinga, fullorðinna, fatlaðra og aldraðra. Íþróttakennarar, aðrir kennarar og starfsfólk menntastofnana sem hafa áhuga á að kenna SNAG golf í skólum eru sérstaklega velkomnir á námskeiðið.

SNAG þýðir Starting New At Golf og hefur farið eins og eldur í sinu um heiminn á síðasta árum. SNAG hefur aukið möguleika á útbreiðslu golfsins til muna því að með SNAG búnaði og kennslufræði er hægt að gera golfnámið og golfkennsluna skemmtilegri og auðveldari. SNAG golf er hægt að kenna bæði úti og inni og henta íþróttasalir og skólalóðir einstaklega vel fyrir kennsluna. Æ fleiri kennarar og skólar á mismunandi skólastigum vilja bjóða nemendum sínum að læra undirstöðuatriðin í golfi með SNAG kennslufræðinni í íþróttatímum í bland við aðrar íþróttir eða sem sérstakt valnámskeið. Um 2000 manns kynntust golfinu í gegnum SNAG búnaðinn og kennslufræðina hér á landi á síðasta ári og hefur sá fjöldi margfaldast það sem af er þessu ári.

Starting New At Golf – Fyrsta stig

Námskeiðið er fyrsti hluti af SNAG kennslu-og þjálfunarkerfinu og veitir réttindi sem fyrsta stigs SNAG golf leiðbeinandi.

Leiðbeinandi: Magnús Birgisson PGA, SNAG Master kennari

Staðsetning: Hraunkot, Golfklúbbnum Keili, Steinholti 1, 220 Hafnarfirði

Tímasetning: 26. ágúst 2014. Kl. 9.00-15.00

Þátttakendur:  Allt að 12 þátttakendur komast á námskeiðið.

Verð: 12.500 fyrir námskeiðið, SNAG handbók, morgun-og hádegishressingu.

Skráning á námskeiðið og nánari upplýsingar veittar í gegnum netfangið ingibjorg@hissa.is og í síma 775-0660 / 898-7250