Kaymer í samstarf við Etihad Airways

Eftir að hafa sigrað US PGA Championship risamótið árið 2010, Abu Dhabi HSBC Golf Championship í metfjölda skipta þ.e. árin 2008, 2010 og 2011 og eftir að setja niður sigurpúttið í Rydernum fyrir Evrópu 2012 í „kraftaverkinu í Medinah“ þá er þýski kylfingurinn Martin Kaymer talinn meðal skærustu stjarna golfheimsins.

Martin Kaymer eftir einn sigurinn í Abu Dhabi

Jafnvel þó hann hafi ekki gert neitt nema að renna niður heimslistann á síðasta ári, 2013, en það ár var sérlega slæmt hjá Kaymer, eins og fleiri þekktum golfstjörnum. Hann er nú í 41. sæti heimslistans – hefir enn lækkað um 2 sæti frá því um áramótin en þá var hann í 39. sæti. Kaymer vonast að í ár verði breyting á!

Nú hefir Kaymer gert ábatasaman samning við Etihad Airways, sem er þjóðarflugfélag Sameinuðu arabísku furstadæmanna.  Martin Kaymer er nefnilega nýjasti „sendiherra“ flugfélagsins.

Meðal hlutverka Kaymer er að vekja athygli á Etihad Airways í Þýskalandi og á öðrum mörkuðum um allan heim. Þ.á.m. tekur Kaymer þátt í kynningarmyndbandi flugfélagsins, sem jafnframt er kynning á Abu Dhabi, sem leiðandi golf- og ferðaáfangastaðar.

Nafn Etihad Airways verður eflaust kunnara nú þegar Martin Kaymer er orðinn sendiherra flugfélagsins

Tökurnar fara fram á sama tíma og  Abu Dhabi HSBC Golf Championship 2014, þar sem Kaymer mun reyna að sigra 4. titil sinn, í Abu Dhabi golfklúbbnum 16.-19. janúar n.k.

Peter Baumgartner, yfirmarkaðsstjóri Etihad Airways, sagði m.a.: „Sem ein af leiðandi golfstjörnum heims, á  Martin Kaymer sína tryggu vini um allan heim, þ.á.m. heima í Þýskalandi. Á bakvið tilkomumikil afrek hans í íþróttinni er ákveðni og mikil vinna og það að reyna við exellence, en það eru gildi sem hann deilir með Etihad Airways. Þetta gerir hann að hinum fullkomna Etihad gestasendiherra […]“

Etihad gestasendiherra prógrammið var hrundið úr vör í október 2013 og í því taka þátt nokkur af stærstu nöfnunum í listum og íþróttum m.a.  ástralska söngkonan Dannii Minogue, indverska leikkonan Katrina Kaif, víetnamski stjörnukokkurinn Luke Nguyen, franska fótboltahetjan Patrick Vieira, og ástralski krikketleikmaðurinn Shane Warne.

Um nýju stöðu sína sem Etihad gestasendiherra sagði Martin Kaymer m.a.: „Sem atvinnumaður í golfi er ég stöðugt á ferðalagi um heiminn og þarfnast þess að hvílast og safna orku til þess að vera tilbúinn til leiks. Litlir hluti skipta miklu máli þegar maður ferðast eins mikið og við gerum.  Standard Etihad Airways og hugulsemi þeirra við smáatriði eru stöðugt í hæsta gæðaflokki á sérhverju stigi ferðaupplifunarinnar, sem gerir mig ánægðan í hvert skipti sem ég flýg með þeim.  Það er því gríðarlegur heiður að gerast Etihad gestasendiherra og ég hlakka til að vinna á lykilkynningarviðburðum með þeim, þ.á.m. kynningu á Etihad Holidays í Þýskalandi.”