Ragnheiður Jónsdóttir | desember. 28. 2013 | 12:30

Nýju strákarnir á Evróputúrnum 2014: Adrien Saddier (22/27)

Í dag verður fram haldið að kynna þá 3  stráka, sem deildu  5.-7.  sæti í Q-school Evrópumótaraðarinnar, sem fram fór á Catalunya golfvellinum, í Girona, á Spáni, 10.-15. nóvember 2013.

Þetta voru þeir John Hahn, Adrien Saddier og Michael Lundberg.

Allir léku þeir á samtals 13 undir pari, 415 höggum og hlutu € 5.240,- í verðlaunafé.

Í dag verður franski kylfingurinn Adrien Saddier kynntur en hann varð í 6. sæti í Q-school, lék á (71 66 69 71 67 71).

Saddier vann svo sannarlega fyrir korti sínu á Evrópumótaröðinni en hann tók þátt í öllum 3 stigum úrtökumótsins og var aðeins einn af 6 sem tókst að komst inn af 1. stiginu. Adrien var annar af tveimur Frökkum, sem komust í gegnum Q-school að þessu sinni, en hinn var Gary Stal.  Jafnframt var Adrien sá yngsti af þeim 27, sem hlutu kortin sín á Evrópumótaröðina á næsta ári.

Adrien Saddier fæddist 15. maí 1992 í Annemasse, Frakklandi og er því aðeins 21 árs.  Í Frakklandi er Saddier félagi í Esery golfklúbbnum.  Saddier var aðeins 4 ára þegar hann byrjaði með pabba sínum í golfi. S.l. 14 ár hefir þjálfaði Saddier verið  Sabine Etchevers.

Þetta er í 2. sinn sem hann tekur þátt í Q-school, en hann reyndi í 1. sinn fyrir sér í fyrra og komst þá ekki í gegn. Hann ákvað því að halda áfram að vera áhugamaður og spilaði með franska áhugamannalandsliðinu allt þar til hann gerðist atvinnumaður í júlí á þessu ári. Hann var í 10. sæti á heimsáhugamannalistanum áður en hann gerðist atvinnumaður og var m.a. tvívegis í liði Frakka í the Nation´s Cup og vann einstaklingskeppnina 2013. Árið 2012 vann hann the Switzerland International, sem varð til þess að hann fékk þátttökurétt í the Omega European Masters, þar sem hann náði niðurskurði.

Meðal áhugamála Saddier eru íþróttir almennt. Sem stendur er hann nr. 727 á heimslistanum.