800 spila í mótum um allt land í dag!

Svona á aðfangadegi Verzlunarmannahelgarinnar, laugardaginn 3. ágúst 2013 eru í boði mörg skemmtileg golfmót út um allt land fyrir Verzlunarmannahelgarferðalanga eða þá sem eru að slaka á í sumarbústað nálægt golfvöllum.

Alls eru u.þ.b. 800 manns skráðir í 10 golfmót í dag.

Það eru eftirfarandi golfmót:

Suðurland

Í Ásatúninu fer fram hið árlega stórglæsilega Toppmót.  40 manns eru skráðir í það mót 10 kvenkylfingar og  30 karlkylfingar.

Í Kiðjaberginu fer fram Styrktarmót GKB.  196 manns eru skráðir í mótið 40 kvenkylfingar og 156 karlkylfingar. Spilað er skv. Texas Scramble leikformi.

Á Selfossi fer fram Opna Carlsberg mótið. 104 manns eru skráðir í mótið 12 kvenkylfingar og 92 karlkylfingar.

Í Öndverðarnesinu fer fram Stóra Öndverðarnes – betri bolti – innanfélagsmótið. 188 félagar í GÖ og gestir eru skráðir í mótið 61 kvenkylfingur!!! og 127 karlkylfingar. Eins og segir í nafni mótsins er leikformið betri bolti og tveir saman í liði!  Frábær þátttaka kvenkylfinga í mótinu en þær eru u.þ.b. 33% þátttakenda og ljóst að mót í Öndverðarnesinu eru kvenvæn!!!

Vestfirðir

Á Ísafirði fer fram Mýrarboltamótið á Tungudalsvelli. 48 manns eru skráðir í mótið 4 kvenkylfingar og 44 karlkylfingar.

Norðurland

Á Siglufirði fer fram Opna Sigló á Hólsvelli. 32 eru skráðir í mótið 5 kvenkylfingar og 27 karlkylfingar.

Á Sauðárkróki fer fram Vodafonemótið í Norðvesturþrennunni II. 40  manns eru skráðir í mótið 9 kvenkylfingar og 31 karlkylfingur.

Í Dalvík fer fram Dalvíkurskjálftinn. 66 manns eru skráðir í mótið 17 kvenkylfingar og 49 karlkylfingar.

Á Lundvelli í Þingeyjarsýslu fer fram PH-mótið. Ekkert liggur fyrir hversu margir skráðir eru í mótið.

Austurland

Á Neskaupsstað fer fram hið árlega Neistaflug GN og Síldarvinnslunnar. 89 manns eru skráðir í það mót 10 kvenkylfingar og 79 karlkylfingar.