Fannar Ingi á 71 höggi eftir 2. dag á Callaway Junior World Golf Championship!

Fannar Ingi Steingrímsson, GHG,  tekur þátt í Callaway Junior World Golf Championship, sem fram fer í Morgan Run Resort and Club, í Kalíforníu, dagana 15.-19. júlí 2013.

Í gær 2. mótsdag lék hann á 71 höggi og er því samtals búinn að spila á 145 höggum. Glæsilegur árangur þetta hjá Fannari Inga!!!

Nokkrir eiga eftir að ljúka keppni og því ekki vitað þegar þetta er ritað í hvaða sæti Fannar Ingi er í eftir 2. dag. Sem stendur deilir Fannar Ingi 32. sætinu með nokkrum öðrum kylfingum, en 170 leika í hans hluta mótsins.  Raðað er niður eftir skori á 3 hring.

Callaway Junior World Golf Championship er eitt elsta og virtasta áhugamannamót fyrir börn og unglinga og mótshaldarar afar stoltir af fyrri sigurvegurum mönnum á borð við Tiger og Ernie Els.

Í ár eru þátttakendur 1250 frá 40 ríkjum Bandaríkjanna og 56 löndum alls staðar að úr heiminum.   Í gær tók Fannar Ingi t.a.m æfingahring með drengjum frá Kazakhstan og Venuzuela.

Fannar Ingi á æfingahring með keppendum frá Kazakhstan og Venuzuela. Mynd: Steingrímur Ingason

Líkt og á unglingamótaröðinni hér heima fá foreldrar ekki að vera kaddýar krakkanna sinna; reyndar eru kaddýar ekki leyfðir og öll samskipti bönnuð, þar sem litið er svo á að í þeim geti falist „aðstoð.“  Krakkarnir eiga að taka sínar eigin ákvarðanir.

Elstu keppendurnir fá að spila Torrey Pines, sem er m.a. keppnisvöllur á PGA Tour, en spilað er á 11 völlum.