Day leiðir eftir 2. dag á Masters

Það er Jason Day, sem er í forystu þegar The Masters er hálfnað. Day lék á 6 undir pari, 138 höggum samtals (70 68).

Fred Couples og Marc Leishman deila 2. sætinu, léku á samtals 5 undir pari, 139 höggum, hvor; Couples (68 71) og Leishman (66 73).

Fjórða sætinu deila 4 kylfingar á 3 undir pari, 140 höggum: Jim Furyk (69 71); Brandt Snedeker (70 70) og Angel Cabrera (71 69).

Sjö kylfingar deila síðan 7. sætinu, þeir Tiger Woods, Justin Rose, Adam Scott, Jason Dufner, David Lynn, KJ Choi og Lee Westwood; allir á samtals 3 undir pari, 141 höggi, hver.

Góðu fréttirnar eru þær að Guan Tianlang, Thorbjörn Olesen, Branden Grace, Bubba Watson, Ryo Ishikawa, John Peterson og Lucas Glover komust áfram á 10 högga undanþágunni, en þeir voru á samtals 148 höggum, hver eða 10 höggum frá forystumanninum Jason Day.

Meðal evrópskra kylfinga, sem ekki náðu niðurskurði voru: Walesverjinn Jamie Donaldsson, sem var með svo glæsilegan ás á Juniper, par-3 6. brautinni á Augusta National í gær, Matteo Manassero, Louis Oosthuizen, Nicholas Colsaerts, Ian Poulter, Pádraig Harrington og Francesco Molinari.

Til þess að sjá stöðuna þegar The Masters er hálfnað SMELLIÐ HÉR: