Ragnheiður Jónsdóttir | mars. 8. 2013 | 18:00

Nýju stúlkurnar á LET 2013: Virginia Espejo – (21. grein af 43)

Það voru 42 stúlkur sem hlutu kortin sín á LET, þ.e. Evrópumótaröð kvenna á lokaúrtökumóti Q-school LET, m.ö.o. Lalla Aicha Tour School 2013, sem fram fór í Amelkis golfklúbbnum og Al Maaden golfstaðnum í Marrakech, Marokkó, dagana 13.-17. desember s.l.  Þar af hlutu 30 efstu eða þær sem jafnar voru í 30. sætinu fullan keppnisrétt og nokkuð fleiri takmarkaðri spilarétt. Golf 1 tók þær stefnu að kynna líka hluta þeirra sem hlutu takmarkaðri spilarétt þ.e. stúlkurnar sem urðu jafnar í 31. sæti og voru 1 höggi frá því að hljóta fullan keppnisrétt og þær sem voru 3 höggum frá því og deildu 36. sætinu. Þær hafa allar verið kynntar ásamt kanadíska frægðarhallarkylfingnum Lori Kane, sem spilar á LET á undanþágu.

Þær 6 stúlkur, sem deildu með sér 25. sætinu, hafa einnig allar verið kynntar og í gær hófst  kynning á næstu 5, sem deildu með sér 20. sætinu.  Það eru þær: Elina NummenpaaLaura CabanillasMaha HaddiouiVirginia Espejo og Sarah King. Við byrjuðum  á því að kynna Söruh King og í kvöld er Virginia Espejo næst.

Fullt nafn: Virginia Espejo

Ríkisfang: spænsk.

Fæðingardagur: 18. júní 1989.

Fæðingarstaður:  Madrid.

Gerðist atvinnumaður: í mars 2012.

Hæð: 174cm

Hárlitur: brúnn.

Augnlitur: brúnn.

Byrjaði í golfi:  13 ára.

Helstu áhrifavaldar í golfinu: Fyrstu þjálfarrarnir ,Freddy Lilly og Miguel Carrasco og foreldrarnir.

Áhugamál: íþróttir, hlusta á tónlist og horfa á kvikmyndir.

Býr nú í: Madrid.

Áhugamannsferill: Var í University of Southern Mississippi á golfskólastyrk.

Hápunktar ferilsins: Að komast í gegnum LET Lalla Aicha Tour school 2013.

Staðan í Lalla Aicha Tour School 2013: T-20.