Ragnheiður Jónsdóttir | febrúar. 13. 2013 | 08:00

Brandt Snedeker tekur ekki þátt í heimsmótinu í holukeppni

Heitasti kylfingur heims, Brandt Snedeker tekur ekki þátt í heimsmótinu í holukeppni í Arizona, vegna meiðsla í rifjum.

Þetta þýðir m.a. að Shane Lowry frá Írlandi, nr. 65 á heimslistanum mun ekki spila við Rory heldur Tiger.

Snedeker hefir í síðustu 3 mótum, sem hann hefir tekið þátt orðið í 2. sæti á eftir Tiger og síðan í 2. sæti á eftir  Phil Mickelson og loks á Pebble Beach tókst honum að landa 1. sætinu.

Snedeker var farin að finna fyrir meiðslunum á Humana Challenge í síðasta mánuði og tóku þau sig upp s.l. fimmtudag.

Brandt er sem stendur í fríi á Hawaii með fjölskyldu sinni en hann flýgur heim til Nashville seinna í mánuðnum og mun þá hitta sérfræðing, sem þegar hefir sagt að hann verði að hvíla, þó hann sjái ekki að meiðlin muni hrjá Brandt Snedeker til langs tíma.

Snedeker vonast til þess að geta keppt á WGC-Cadillac Championship í Doral eftir 3 vikur og sagði við fréttamann PGA Tour: „Ég mun svo sannarlega sakna þess að geta ekki keppt á Accenture Match Play Championship.“

Það er Svíinn Fredrik Jacobson, sem tekur sæti Snedeker á heimsmótinu, þar sem 64 efstu menn heimslistans keppa.

Það er Austurríkismaðurinn Bernd Wiesberger, nr. 67 á heimslistanum, sem bankar á dyrnar og vonar væntanlega eftir að eitthvað gerist þannig að hann fái að keppa á heimsmótinu í holukeppni.