Ragnheiður Jónsdóttir | september. 18. 2013 | 11:00

6 keppa í undankeppni Evrópumóts pilta af Íslands hálfu

Íslenska piltalandsliðið í golfi tekur þátt í undankeppni Evópumóts pilta 18 ára og yngri sem fram fer á velli Skalica Golf Club í Slóvakíu, dagana 19.-21. september.

Þeir 6 sem þátt taka í undankeppni

Þeir 6 sem þátt taka í undankeppni Evrópumóts pilta. F.v.: Henning Darri, GK; Aron Snær, GKG; Egill Ragnar, GKG; Birgir Björn, GK, Gísli, GK og Fannar Ingi, GHG. Mynd: golf.is

Undankeppnin eða European Boys´Challenge Trophy er fyrir þær þjóðir sem ekki náðu að tryggja sér þátttökurétt á Ervópumóti pilta 18 ára og yngri sem fram fer á næsta ári í Noregi, hjá Osló Golf Club.

Alls taka 11 þjóðir þátt að þessu sinni en auk Íslands keppa lið frá Belgíu, Finnlandi, Ungverjalandi, Póllandi, Portúgal, Slókvakíu, Slóveníu, Rússlandi, Sviss og Wales.

1-logo_Skalica

Aron Snær Júlíusson, GKG, Birgir Björn Magnússon, GK, Egill Ragnar Gunnarsson, GKG, Fannar Ingi Steingrímsson, GHG, Gísli Sveinbergsson, GK og Henning Darri Þórðarson, GK skipa íslenska piltalandslið.

Um er að ræða 54 holu höggleik þar sem fimm bestu skorin telja eftir hvern dag, þrjár efstu þjóðirnar komast á sjálft Evrópumótið að ári.

Úlfar Jónsson og Ragnar Ólafsson fylgja strákunum okkar. Hér er hægt finna upplýsingar um mótið.