Árni Páll Hansson, GR. Mynd: Í eigu Árna Páls
Ragnheiður Jónsdóttir | nóvember. 23. 2012 | 12:30

Íslenska atvinnumannaliðið enn í neðsta sæti fyrir lokahringinn í Portúgal

Allt er við það sama hjá þeim Inga Rúnari Gíslasyni, GK;  Árna Páli Hanssyni, GR og Ólafi H. Jóhannessyni, GSE, sem skipa íslenska atvinnumannaliðið fyrir lokahring  Europe International Team Champs 2012.

Ólafur Hreinn Jóhannesson og Ingi Rúnar Gíslason. Mynd: Í eigu Inga Rúnars

Mótið fer fram á Onyria Palmares golfsvæðinu og  stendur dagana 20. – 23. nóvember 2012.

Alls eru 25 lið sem taka þátt.

Íslenska liðið er enn í neðsta sæti, eina breytingin er að lið Rússa er ofar en Íslendingarnir í 24. sæti, en liðin voru jöfn í neðsta sætinu í gær.

Samtals er íslenska liðið búið að spila á 59 yfir pari, 523 höggum (161 157 166). Tvö bestu skor hvers dags telja.

Í efsta sæti þegar mótið er hálfnað eftir 3. dag er lið Skota á samtals 17 undir pari, 455 högg (137 141 138).

Golf 1 óskar íslenska atvinnumannaliðinu góðs gengis!

Til þess að sjá stöðuna í heild þegar mótið er hálfnað eftir 3. dag SMELLIÐ HÉR: