Ragnheiður Jónsdóttir | nóvember. 6. 2012 | 06:30

Bandaríska háskólagolfið: Guðmundur Ágúst og golflið ETSU í 3. sæti á Hawaii eftir 1. dag

Guðmundur Ágúst Kristjánsson, GR, og golflið East Tennessee State spiluðu 1. hring á Warrior Wave Intercollegiate mótinu í gær, en það fer fram á golfvelli Makai golfklúbbsins á golfstað St. Regis Princeville, í Princeville, á Hawaii.

Mótið fer fram dagana 5.-7. nóvember og er 1 hringur spilaður á hverjum degi.  Alls eru þátttakendur 80 frá 16 háskólum.

Það er 10 tíma, tímamismunur milli Íslands og Hawaii; Guðmundur Ágúst fór út kl. 7:57 að staðartíma í gær,  sem samsvaraði 17:57 að íslenskum tíma. Í kvöld fer Guðmundur út kl 7:39 að staðartíma af 1. teig,  þ.e. kl. 17:39 að íslenskum tíma og má frá þeim tímapunkti fylgjast með gengi Guðmundar Ágústs hér að neðan.

Guðmundur Ágúst spilaði 1. hringinn á 2 yfir pari, 74 höggum og deilir sem stendur 32. sætinu í einstaklingskeppninni í mótinu. Hann fékk 2 fugla, 12 pör og 4 skolla á hringnum. Hann var á 4. besta skori liðs síns og telur það því, en lið ETSU er í 3. sæti í liðakeppninni.

Golf 1 óskar Guðmundi Ágúst góðs gengis á Hawaii í dag!!!

Fylgjast má með stöðunni á Warrior Wave Intercollegiate og gengi Guðmundar Ágústs með því að SMELLA HÉR: