Um 1000 kylfingar spila í dag í 19 mótum

Í dag, laugardaginn 30. júní fara fram eftirfarandi 19 golfmót á landinu:

30.06.12	GKB	Icelandair Golfers open	Betri bolti	1	Almennt
30.06.12	GHD	Húsasmiðjumót	Punktakeppni	1	Almennt
30.06.12	GÚ	Golfveisla	Punktakeppni	1	Almennt
30.06.12	GN	Sveitakeppni Austurlands- Egilstöðum	Almennt	1	Almennt
30.06.12	GVS	Shotgun	Betri bolti	1	Almennt
30.06.12	GFH	Sveitakeppni Austurlands	Holukeppni	1	Almennt
30.06.12	NK	MEISTARAMÓT ÖLDUNGAFLOKKAR	Höggleikur án forgjafar	3	Almennt
30.06.12	NK	MEISTARAMÓT NESKLÚBBSINS	Höggleikur án forgjafar	8	Almennt
30.06.12	GÖ	OPNA CLASSIC	Punktakeppni	1	Almennt
30.06.12	GKV	Víkurprjónsmótið	Texas scramble	1	Almennt
30.06.12	GHH	Sveitakeppni Austurlands Egilsstöðum	Holukeppni	1	Almennt
30.06.12	GK	Opna Heimsferðamótið	Almennt	1	Almennt
30.06.12	GL	Opna Helena Rubenstein	Punktakeppni	1	Kvennamót
30.06.12	GV	Ölgerðin opið mót	Almennt	1	Almennt
30.06.12	GKG	Niðjamót GKG	Annað – sjá lýsingu	1	Almennt
30.06.12	GSS	Norðurlandsmótaröð	Höggleikur án forgjafar	1	Almennt
30.06.12	GÍ	ÍSLANDSSAGA – Sjávarútvegsmótaröðin	Höggleikur með og án forgjafar	1	Almennt
30.06.12	GÁ	Afmælismót JG-60	Höggleikur án forgjafar	1	Almennt
30.06.12	GS	58 Hópurinn – LOKAÐ	Almennt	1	Almennt

Af þessum 19 mótum er m.a. eitt vinsælasta kvennamótið á Garðavelli á Akranesi og er aðsókn að því svo góð (um 100 kylfingar) að fresta varð frábæra kvennmótinu, Gullhamrinum í Borgarnesi til 29. júlí, því margar hafa eflaust viljað vera á báðum mótunum og eins var Opna Lancôme mótinu á Húsavík frestað.

Fjölmennasta mótið í dag er Opna Heimsferðamótið hjá GK, en 127 kylfingar spila í því og síðan Opna Classic mótið í Öndverðanesinu, en um 110 kylfingar taka þátt í því.

Nesklúbburinn ríður á vaðið í flóði Meistaramóta sem yfirvofandi eru að skella á kylfingum landsins nk. daga og eflaust fjölmargir, sem taka þátt í þeim. Golf 1 mun að sjálfsögðu segja frá helstu úrslitum í þeim.

Á Ísafirði er Íslandssögumótið vinsæla í dag og hér sunnanlands hafa kylfingar úr fjölmörgum mótum að velja í veðurblíðunni: Opna Heimsferðarmótinu hjá GK, sem áður er minnst á; Afmælismóti á Álftanesinu; Icelandair Golfers mótinu í Kiðjaberginu, þar sem spilaður er betri bolti, glæsilegu Opnu Classic móti í Öndverðarnesinu. Golfveislu í Úthlíð og Shotgun móti á Vatnsleysunni.

Í Vestamannaeyjum fer fram Ölgerðin opið mót og Víkurprjónsmótið er haldið í Vík í Mýrdal.

Á Austurlandi fer Sveitakeppni Austurlands fram á þremur stöðum: á Ekkjufellsvelli á Egilsstöðum, Silfurnesvelli á Höfn og á Grænanesvelli á Neskaupsstað og á Norðurlandi fer Norðurlandsmótaröðin fram á Sauðárkróki og Húsasmiðjumótið á Dalvík.

Tvö mót eru bundin við tiltekna hópa, þ.e. niðjamót GKG fer fram á Leirdalsvelli og 58 Hópurinn er búinn að yfirtaka Hólmsvöll í Leiru, en mót þess hóps er lokað.

Fylgjast má með stöðunni í mótunum með því að smella á viðkomandi tengil inn á mótin hér að ofan.