Birgir Björn fór holu í höggi á 8. braut Garðavallar!!!

Í gær, Uppstigningardag, var Garðavöllur á Akranesi troðfullur af unglingum, sem voru að að æfa sig fyrir fyrsta unglingamótið, sem verður haldið þar um helgina.

Garðavöllur þeirra Leynismanna er í frábæru standi og að venju var gaman að horfa á unglingana spila.

Frábærir taktar sáust víða á vellinum til að mynda í einu holli 15 ára Keilistráka, sem í voru Alexander Breki Marinósson, Birgir Björn Magnússon, Elías Fannar Arnarsson og Vikar Jónasson.

Spiluðu þeir allir vel og fékk Elías Fannar örn á fjórðu braut þar sem kúlan fór ofan í holuna eftir 70 metra innáhögg!!!

Birgir Björn fór síðan holu í höggi á áttundu braut. Hann sló með fimm járni í mótvindi og endaði hringinn á 69 höggum. Þetta er í annað sinn sem Birgir Björn fer holu í höggi en í fyrra skiptið var það á 6. braut á Hvaleyrinni fyrir þremur árum. Glæsilegur árangur hjá Birgi Birni!!!

Golf 1 óskar Birgi Birni innilega til hamingju með draumahöggið!