Sigurpáll Geir Sveinsson kennir í Golfskólanum að Hellishólum 18.-20. júní n.k.

Golfskólinn sumarið 2012

Sumarið 2012 verður í boði 1 námskeið í Golfskólanum á Hellishólum, námskeiðið fyrir bæði kynin.

Skráning er hafin í síma: 487-8360 eða hellisholar@hellisholar.is

Golfskólinn á Hellishólum

Námskeiðið er þriggja daga. Hópnum verður skipt í tvo hópa. Annar hópurinn spilar 9-18 holur og hinn fer í kennslu á meðan. Eftir hádegismat skipta hóparnir um hlutverk.

18.-20. júní – Námskeið fyrir bæði kynin

PGA golfkennarinn Sigurpáll G. Sveinsson mun kenna í golfskólanum á Hellishólum sumarið 2012. Sigurpáll hefur verið einn af okkar fremstu golfspilurum undanfarin 15 ár. Sigurpáll hefur hampað íslandsmeistaratitil karla þrisvar sinnum. Hann var fastamaður í landsliðum Íslands frá árinu 1991 – 2003. þegar hann gerðist atvinnumaður í golfi. Á 5 ára ferli sem atvinnumaður hefur Sigurpáll reynt að komast inná evrópsku mótaröðina, en ekki náð þeim árangri enn. Sigurpáll hefur gríðarlega reynslu sem afreksmaður í golfi bæði hérlendis og erlendis.

Árið 2005 ákvað Sigurpáll að fara í golfkennaranám, enda hafði hann starfað við barna-og unglingakennslu frá árinu 1991. Sigurpáll hefur kennt fólki á öllum getustigum golfsins síðan 2005. Hann útskrifaðist frá golfkennaraskóla Íslands vorið 2008 og hefur getið sér gott orð sem golfkennari. Í dag starfar Sigurpáll sem golfkennari ásamt því að vera formaður PGA á Íslandi, sem eru samtök atvinnukylfinga og golfkennara á Íslandi.

Þess má geta einnig að Sigurpáll hefur margsinnis verið farastjóri í hinum ýmsu golfferðum og kennt í golfskólum erlendis á vegum íslenskra ferðaskrifstofa og ættu því margir golfferðalingar að kannast við hann.

TIL ÞESS AÐ SJÁ ALLT NÁNAR UM NÁMSKEIÐIÐ SMELLIÐ HÉR: