Áhugavert fyrir þá sem koma langt að og hyggjast spila golf í Borgarnesi í sumar! – Kría Guesthouse opnar að Kveldúlfsgötu 27

Í vor verður opnað nýtt gistiheimili í Borgarnesi að Kveldúlfsgötu 27. Gistiheimilið ber nafnið Kría-Guesthouse. Rekstraraðilar eru hjónin Bjarni Guðjónsson og Margrét Grétarsdóttir en í húsinu rekur Margrét að auki hárgreiðslustofu. Gistirými verður fyrir allt að sjö manns. Annars vegar er boðið upp á eitt tveggja manna herbergi og hins vegar eitt stórt fjölskylduherbergi þar sem allt að fimm geta gist. Eldhússaðstaða verður fyrir gesti sem og aðgangur að heitum potti á stórri verönd með útsýni út á Borgarvog og Mýrar. Þá hyggjast rekstraraðilar koma upp aðstöðu til fuglaskoðunar fyrir gesti Kríu-Guesthouse. Fuglalífið og umhverfið við tangann, sem oft er nefndur Dílatangi og húsið stendur á, þykir sérlega fjölbreytt.

Komast má inn á heimasíðu Kríu með því að smella HÉR: 

Heimild: Skessuhorn