LPGA: Yani Tseng enn í forystu eftir 2. dag á RR Donnelly LPGA Founders Cup

Það er nr. 1 á Rolex-heimslistanum, Yani Tseng, frá Taiwan, sem heldur naumri  forystu á 2. degi RR Donnelly LPGA Founders Cup í Wildfire Golf Club, í JW Marriott Desert Ridge Resort and Spa í Phoenix, Arizona.

Yani spilaði á 70 höggum í dag og er samtals búin að spila á -9 undir pari, samtals 135 höggum (65 70). Mjög naumt er á munum því 2. sætinu deila 5 kylfingar þær: Mika og Ai Miyazato frá Japan, Meena Lee, IK Kim og Na Yeon Choi frá Suður-Kóreu, sem allar eru aðeins 1 höggi á eftir Yani, búnar að spila samtals á -8 undir pari hver.

Sjöunda sætinu deilir síðan hópur 6 sterkra kylfinga:  Paula Creamer alías bleiki pardusinn frá Bandaríkjunum,  Inbee Park og Jiyai Shin frá Suður-Kóreu, Karin Sjödin frá Svíþjóð, Karrie Webb frá Ástralíu, og forystukona gærdagsins Hee Young Park, líka frá Suður-Kóreu, sem átti ekkert sérstakan dag  og kom í hús á sléttu pari – 72 höggum og er þ.a.l. eins og allar hinar  í 7. sæti, 2 höggum á eftir Yani.

Til þess að sjá stöðuna eftir 2. dag á  RR Donnelly LPGA Founders Cup smellið HÉR: